لسلام عليكم ورحمة الله وبركاته
مش عارف الموضوع المفروض يتحط هنا ولا فين بس يعنى تقدروا تعتبروه اغنية اتمنى من ربنا انها متكونش تقيله على مسامع حضراتكم
وعلى فكرة الاغنية دى يعنى من نوع اغانى الأفراح الاسلامية
يا عريسنا وتانى تانى ...بنجدد التهانى ...ونقولك من كل قلوبنا مبروك يا غالى
دى الليلة فرحتنا والدنيا سمعتنا بنقولك وبصوتنا العالى مبروك يا غالى
يا عريسنا ده اليوم يوم زفافك والكل جالك علشان يبارك
دى عروستك الحلوة مكتوبالك على سنة الهادى موصوفالك
والكل يصقفوله ...غنوله الليل بطوله...ده قمرنا الليله غنى يا محلى نوره
ده نور ايمانه هالل علينا يحلم يجدد امجاد نبينا
من كتر حرصه وصدق دينه اختار عروسته اللى تعينه
والكل يصقفوله ...غنوله الليل بطوله...ده قمرنا الليله غنى يا محلى نوره
وعروستك الغالية الله عليها زى الملايكة الطهرفيها
بادعى واقولك باعلى صوتى يارب بارك فيك وفيها
والكل يصقفوله ...غنوله الليل بطوله...ده قمرنا الليله غنى يا محلى نوره
