بكل الحب ادخل واتكلم عن الحب

موضوع رائع يا موني
وطبعا انا من مؤيدين ان يصارح الطرفين لبعضهما عن علاقتهم العاطفية السابقة لان مفيش احلى من الصراحة

تسلم ايديكي على الموضوع الجميل دة
اي حد بقا عنده مشكلة عاطفيةياريت ميتكسفش ويقولها يمكن نفكر معاه ويمكن نلاقيلها حل

تسلم ايديكي يا موني وبجد موضوع رااائع

اكيد طبعا احنا هانخصص يوم للمشاكل العاطفيه يا سندباد ... بس نحب نعرف رأى شبابنا فى هذا الموضوع... وده طبعا بمساعدتك ليا ومشاركات كل الشباب والبنات واتمنى الموضوع يحوز اعجابكم

طبعا يا موني هانكون سعداء جدا لو تفاعل معنا الاعضاء

[size=24]

sindbad كتب:

وطبعا انا من مؤيدين ان يصارح الطرفين لبعضهما عن علاقتهم العاطفية السابقة لان مفيش احلى من الصراحة

بس يا ترى يا سندباد الطرف التانى هايفهم ان الصراحه دى كويسه ولا هايخدها بمحمل تانى انى دى ممكن تكون خيانه ليه او لو ما اخدهاش كده ياترى مش هايكون فى خلاف او مشاكل بينهم ؟؟[/size]

mony_phantom كتب:

[size=24]

sindbad كتب:

وطبعا انا من مؤيدين ان يصارح الطرفين لبعضهما عن علاقتهم العاطفية السابقة لان مفيش احلى من الصراحة

بس يا ترى يا سندباد الطرف التانى هايفهم ان الصراحه دى كويسه ولا هايخدها بمحمل تانى انى دى ممكن تكون خيانه ليه او لو ما اخدهاش كده ياترى مش هايكون فى خلاف او مشاكل بينهم ؟؟[/size]

ازاي يعني تتفهم خيانة مش فاهمة؟؟؟؟؟؟؟

يعنى فى ناس يا هاجر بيحبو انهم يكونو اول شخص فى حياة الطرف التانى اللى بيحبوه .. وده انا عن نفسى بعتبره مش صح ... لكن فى ناس كده

السلام عليكم ورحمة الله وبركاته
ان الذين فتنوا المؤمنين والمؤمنات ثم لم يتوبو فلهم عذاب جهنم ولهم عذاب الحريق
انا عارف طبعا ياجماعة ان الموضوع ده الهتف منه دردشة ويكون فيه فضفضة بين الاعضاء وان عامل حسن النية متوفر
بس مينفعش نتكلم عن الحب والغيرة و نفتح المجال ان البنات والولاد يتكلموا مباشرة كده على الحب
العملية اساسا مش ناقصة الناس بايظه بما فيه الكفاية كمان ده حديث يميت القلب ده طبعا بالاضافة للذنب فقد قال الله تعالى
إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون
وفى النهاية وبمناسبة الكلام عن الحب واسراره اهديكم هذا البيت
لكل قلب اذا ما حب اسرار
وكل حب لغير الله ينهار

احب اقول حاجة لهمس القوافي
بجد الرد اللي كتبته عجبني جدا جدا
ولكن لي فيه ملاحظة مع احترامي لرأيك
ان لما اتكتب الموضوع دة كنا نقصد بيه ان اي حد مضايقه حاجة عايز يفضفض بحاجة يقولها وان شاءالله نقدر نساعده
لكن المووع متكتبش بغرض الكلام في الحب مباشرة

ردودكم حلوه كتير بس انا بالنسبه الي شايفه انو الحب صار موديل كل يوم بطلع مديل جديد على هاد الاساس بحب احكيلكم واوضح للجميع انو ما في حب بالزمن الاغبر الي احنا فيه زمن الحب راح ايام ما كان فيه سر واسرار واحساس جميل بس هلاء بعد ماصار كل واحد يعلن عن حبو بغرض المظاهر وشوفوني يا ناس بطل في حب باحساس صار الحب مجرد من الاحساس الصادق بعدين في مثل شعبي ما بعرف ازا بتعرفو بحكي
تلات مش ممكن يتخبووووووووو الحب ......... والحبل .......... وركوب الجمل ......هههههه
هاد رأيي وتحياتي الكم
ليالــــــــــــــــــــــــــــــــــــــــــــي

بس يا ليالي برضو اكيد فيه حب حقيقي
ممكن يكون قل في الزمن دة
بس اكيد فيه حب حقيقي

ميرسي عالرد الجميل

والله طبعا ما احترامى ليك يا اخ همس القوافى على رايك بجد ... بس اعتقد انى حضرتك مش حاطة موضوع مخل بالادب او الاحترام !!... وفعلا زى ماسندباد قال اننا حاطينه لمجرد اننا ممكن نحل مشاكل او اللى عنده مشكله يدخل ويمكن نحلها.. ونحلها صح مش ... يعنى ماعتقدش اننا نحاول نفشى الفحشاء خالص ... وبعدين حضرتك ماعجبكش اصلا الاسم بتاع الموضوع او الموضوع نفسه حضرتك كنت ممكن ماتدخلش .. لكن ماتحكمش علينا بحاجه انت لسه ماشوفتش الكلام وصل بنا وبين بعض لغاية ايه .. والحمد لله انا عمر ماكانت نيتى وحشه يعنى
... وشكرا جدا على مشاركتك

انتو دخلتوا شمال في همس القوافي ليه .. انا رايي بيتفق مع رايه تماما .. هو لو الموضوع كان ( بيتكلم عن المخطوبين أ, الازواج ) كان هيبقى عادي لكن يا جماعة ده بيتكلم عن اللي بيحبوا بعض ( ولد وبنت ) ومهما كانت النية سليمه او غيره فعلا ماينفعش نتكلم في الموضوع ده - وكأنكم بتقولوا يا جماعة شاركونا نعمل الذنب بطريقة أفضل - فكل الدفاع عن الموضوع في رأيي انه غير هادف .... وتقبلوا فائق الاحترام

يا جماعة اهدوا شوية متتخانقوش مش كدا
هنا المفروض فيه ديمقراطية كل واحد يقول اللي هو عاوزه بأدب
يعني موني تقول اللي هي عاوزاه و همس القوافي وهاجر برضو يقولوا اللي هما عاوزينه والاختلاف في الرأي لا يفسد للود قضية

السلام عليكم
انا من رايى ان الواحد المفروض يصرح بكل حاجة حصلت فى حياته للأنسان اللى بيحبه عشان لو هو مقلش ممكن يوصل الكلام عن طريق ناس تانية و فى ساعتها هتدمر قصة الحب بأكملها لأن ما بنى على باطل فهو باطل.
و من رايى بردوا ان احنا المفروض منحكمش على الأنسان اللى بنحبه من اول موقف يعمله غير لما نسمعه لأن الواحد مش بيبقى عارف ابعاد الموقف ده ايه و الكلام ده موجه لكل الأعضاء بس يختص عضو واحد وهو عارف نفسه.

شكرا ليكى يا miran وبجد رايك صح لان الواحد لازم يدى العذر لغيره لان اى انسان معرض لاى قصة حب ممكن تنتهى بفشل وساعتها مش بتقف الحياة .. يبقى لو حب وتحب تانى بعد كده لازم الطرف التانى يتفهم الموضوع ويتقبله بصدر رحب لانه هو شخصيا كان اكيد معرض لحكاية زى كده .... واتمنى ان رسالتك تكون وصلت للشخص اللى انتى عيزاه

يا رب هو يقرأها
فعلا لو قرأها ممكن يكون كل اللى شارك فى الموضوع ده سبب فى ان قصة حبه تكمل من غير ما تنتهى بألم الطرف الآخر.

على الرغم يا miran اننا مش عارف طبعا انتى تقصدى ايه او ايه الحكايه لان شكل الحكاية كبيرة والله اعلم بس طبعا ربنا يقدم الللى فيه الخير وانا مش فاهمه قصة حب مين اللى تكلم بالظبط الشخص اللى انتى عيزاه يقراها ولا اللى دخلو وقروا الكلام ده اصلا

والله انا رأيي غير هيك تماما بتعرفو ليش
لانو ما في اي شخص بتحمل انو الي بحبو يكون كان او على علاقه مع حد تاني فبرأيي انو الواحد يتعامل مع موضوع الصراحه الي بتتكلمو عنو حسب شخصية الشخص المقابل ازا بتقبل الصراحه ام لا كتيييييييير في اشياء بتمنعنا نحكي كل شي بصراحه يا اما خوف على مشاعر الشخص المقابل او على اتمام الحياة من غير مشاكل وفي ناس ممكن تخبي ومتتكلمش بصراحه خوف من انها تخسر الطرف التاني
وعفكره الموضوع حلو كتير وبناقش قضيه وانا مش مع الي معارضينو لانو الحب مو بس بين بنت وشب والحب بشكل عام حب الاخ حب الاب حب الام حب الابن حب الاصدقاء احنا بنحكم على كلمة الحب دائما بأنها بين شب وبنت علاقه غير شرعيه لييييييييييييييييييش

والله يا ليالى انا بحيكى جدا جدا على الكام الجميل اوى ده اللى قولتيه ... انتى بجد جبتى من الاخر .. بس اى حاجه معرضه للفشل والنجاح يعنى من حق ى حد انه يعترض او يوافق على موضوع من وجهة نظره ده رايى اى شخص وهو حر فيه ....
بس حكايه ان الصراحه ممكن تسبب مشاكل ... طب لو الطرف التانى اكتشف ان الشخص اللى بيحبه كان على علاقه بحد قبله ياترى ده مش ممكن يسبب مشاكل اكتر واكبر ؟؟؟ .... بس فعلا زى مانتى قولتى انه بيتوقف على حسب شخصيه الطرفين ...

انا فى حاجة عيزه اضيفها للموضوع ملاحظة صغيرة
انو لازم يكون فى ثقة بين الطرفين لأن لو مفيش ثقة ممكن تقوم مشاكل جمدة اوى بينهم بسبب انعدام الثقة .

انا من رأيي ان ممكن الصداقة تتحول الى حب
ولكن صعب الحب يتحول الى صداقة
شكرا ليكي يا موني