زي الهوا .......... عبدالحليم حافظ

زي الهوا يا حبيبي زي الهوا ******** اه من الهوا يا حبيبي اه من الهوا
وخدتني ومشينا والفرح يضمنا ******* ونسينا يا حبيبي مين انت ومين انا
حسيت ان هوانا هايعيش مليون سنة
وبقيت وانت معايا الدنيا ملك ايديا اامر على هوابا تقول امرك يا عنيا
وفي عز الكلام ********* سكت الكلام واتاريني
ماسك الهوا بايديا ماسك الهوا واه من الهوا يا حبي اه من الهوا
خايف من ايه وانا خايف ايدي في ايدك وانا خايف
خايف على شوقي وحبي خايف على دقة قلبي
وياما قلتلك انا واحنا في عز الهنا
قلتلك يا حبيبي لا انا قد الفرحة دية وحلاوة الفرحة دية
خايف لفيوم وليلة مالاقيكش قصاد عنيا تغيب عليا يا حبيبي

انت المفروض تسمي نفسك عاااااااشق حليم

ميرسي يا هاجر عالرد الجميل دة انا فعلا عاشق حليم وبحبه اوي

علي فكرة انا كمان بحب عبد الحليم قوي اكتر اغنية احبها هي
توبة..........زتوبة.....توبة ان كنت احبك تاني ........توبة......
بس قابلني مرة وتبقي دي اخر نوبة..........وبعدها توبة.......توبه
ههههههههههههههههههههههههههه

انا شخصيا اكتر اغنية بحبها هي
حبيبها لست وحدك حبيبها
ميرسي عالردود الجميلة دي


******************

ممكن سؤال ؟

عبدالحليم قال في الاغنية دي

واتاريني ماسك الهوا بأيديا

حد يقدر يمسك الهوا ؟

مرحبــــــــــــــــــــــــــــا
شو هيدا الجمال والله انا بموووووت على عبد الحليم بحب قارئة الفنجان حلوه
وسواح .............. منشان اسمي موجود فيها هههههههههههههههههههه
شي غريب وحلو

ميرسي يا ليالي على المشاركة

بس مجاوبتوش


حد يقدر يمسك الهوا ؟؟؟

الاول باشكرك على الاغنية دي لاني بحب عبد الحليم جداجداجدا
والاغنية دي من احب اغانيا لحليم
وموضوع الواحد بيمسك الهوا ده من رايي انه في حلين
من ناحيه عامية: ان الواحد طبعامش ينفع يمسك الهوا ولو حد قال لحد كده مش هيضحك عليه بس ده ممكن كمان يفتكره مجنون
بس من ناحية علمية (طبعا من تأليفي) :ان ممكن الواحد يمسك الهوا لان كل ما تقرب الصوابع مش هتلزق يعني هيبقى في هوا بينهم
طبعا ده رايي ان كنت تقصد الهوا بمعنى الهوا
"واختلاف الراي لا يفسد في الود قضية"
وبعدين متحبكهاش اوي كده يعني لما محمد فؤاد قال في اغنية حبيبي يا "اه لو تجيني لابوسك بعيني واطفي حنيني الي دايب معاك"
تقدر تقولي بقى ازاي هيبوسه بعينه ...................يلا متجاوب

أنا أعتقد هو بيقصد انو بيشبه الاحاسيس والمشاعر الحساسه المرهفه بالهوا اللي بيكون متل النسمه

واكتشف انو ماسك الهوا وهو مو ماخد بالوو والله أعلم

انا رأيي بقا مختلف شوية
ان حليم لما قال واتاريني ماسك الهوا بأديا بتهيألي انه كان يقصد حبيبته لما هو كان بيحبها لكن هي خدعته وانتهى الحب على مفيش
وبالتالي الهوا هناهو السراب
يعني حبه انتهى على سراب
دة رأيي يعني

نقل رائع انا احب اغانى حليم جدا
لكن اكتر اغانى احبها ليه
قارئة الفنجان وبامر الحب وحبيبها

الرد على سؤالك
نعم ممكن جدا انه يمسك الهوا باديه
لان الهوا بيتنفسه والحب كمان بنتنفسه
وفى الحالتين بيكون هو الحبيب
وممكن جدا انه يمسك حبيبه
واللى ايه..................؟!
لوووووووووووووووووول

تقبل مرورى

اجابة جميلة جدا يا ايزيس
شكرا على مرورك