اختار القصة اللي تراها هي الافضل

القصة الأولى بس بشرط إن محمد يتمهل شوية ويستحمل سنة لحد مايخلص الكلية وبعدين يبقى يتجوزها ( مدام الشغل موجود )

تاني قصه (احمد وحنان)

مع الخطوبه والزواج بعد التخرج افضل بكون احمد مكون نفسه اكيد

انا من رايي ان افضل قصة هي القصة التالتة (( خالد ونورا ))
دي من وجهة نظري بس انا معرفش صح ولا غلط انا احب اعرف ارائكم
على فكرة القصة الاولى (( محمد ومروة )) شبيهة الى حد كبير بالقصة التالة (( خالد ونورا )) بس الفرق الوحيد ان محمد هايستنى يتجوز في البكالريوس لكن خالد عاوز يتجوز في اقرب وقت حتى لو كان لسة طالب متخرجش
اما القصة التانية (( احمد وحنان )) ان احمد هايستنى بعد البكالريوس كمان على ما يكون نفسه ومش مكتفي بالشغل فقط
اما القصة الرابعة (( حسن و شيرين )) ان والد شيرين رفض الارتباط مجرد ان عرف انهم لسة سنهم صغير وفي سنة تانية كلية ومش عاوز يجوز بنته الا لما تتخرج او تكون في البكالريوس وطبعا عاوز يجوزها حد متخرج
وننتظر المزيد

ازاي يعني يا سندباد يتجوزوا وهما لسه في الجامعة ؟.؟
هو هيذاكر وللا هيشتغل وللا هيتجوز ؟.؟
هو ممكن يتجوز ويشتغل في نفس الوقت ...لكن يذاكر معاهم صعبة شوية ..لأكتييييييييييييييييييييييييييييييييييييييييييييييييييييييييييير

يا هاجر انا هاجاوب عليكي من اوجه كتيرة
اولا ان سيبك من حكاية هايزاكر وهيشتغل وهايتجوز كل دة في يوم واحد لان سوري يعني دي حجة وخلاص لان ممكن الواحد يقسم وقته كويس
ثانيا معلش انا هاتكلم بصراحة شوية
لما يكون اتنين بيحبوا بعض وهما في الكلية بيحبوا بعض اوي
ايه الافضل
يتجوزوا ويعفوا ويطهروا نفسهم عن الحرام
ولا يبدأوا بقا يقابلوا بعض في كافي شوب ولا في اي مكان والحرام يبدأ يدخل وممكن توصل لحاجات اكبر زي الجواز العرفي و .... الخ الخ الخ
انا بتكلم من واقع احنا نعيشه واقع بالنسبة للولد او البنت
واقع كله مغريات سواء في التليفزيون او النت او الشارع او حتى في الكلية
ومعلش يعني الانسان سواء ولد او بنت ما هو الا انسان مش طوبة يعني عنده غرائز وشهوات لازم يطلعها لان دة الانسان الطبيعي
قولي انتي بقا الافضل يتجوز ولا الحل التاني
انا عاوزك انتي تجاوبي لانك معارضة فكرة الجواز في التعليم
وطبعا ياريت الكل يدخل ويبدي رأيه يمكن انا غلط اقنعوني

اولا:احب اشكرك علي الموضوع لأن دي حقيقة واقعية وظاهرة منتشرة بين الطلبة والطالبات ف الجامعات0000
ثانيا:انا مقدرش اختار قصة علي انها الأفضل....بس ممكن اقول رأيي ف الموضوع ككل وأعلق عليه.....
**ان رأيي ان القصة الرابعة منتهية بسبب رفض الأب
**اما القصة الأولي والثانية والثالثة متفقين في التجعيل بالخطوبة ودة الحل الأصوب مدام الولد والبنت بيحبوا بعض بجد((مش بيعيشوا فترة المراهقة وبيقضوها وخلاص )) ومتفقين علي كل حاجة....يبقي التعجيل بالخطوبة افضل عشان الموضوع يبقي ف السليم وماشي صح ..والمطلوب من الأهل انهم يشجعوهم ويساعدوهم ((مش زي اللي حصل ف القصة الرابعة)) مدام الولد فاضل ليه ف الكلية سنة أو اتنين ويخللص((مش لسة ف سنة اولي ولا تانية)) وعنده شقة وبيشتغل وهوة ف الكلية وموضوع الشغل بعد الدراسة هيكون سهل بأمر الله يبقي المشكلة فين؟؟؟؟؟؟
***اما موضوع الزواج مينفعش يتعمم لأنه هيكون مختلف حسب ظروف الطرفين..
بس الأفضل ان الولد يكون مخللص كليته ف ايده شهادته قبل ما يبقي مسئول عن بيت واسرة ..... ودة رأيي الشخصي .........

ميرسي عالرد والمشاركة يا بيسو
وانا احب اقول ان لما كتبت الموضوع حبيت اعرف رأي كل عضو بالنسبة لوجهة نظره هو يعني الاعضاء هنا يحطوا نفسهم مكان اهل البنت ويقولوا لو هم مكانهم هايتصرفوا ازاي
او كل واحد يقول رأيه من وجهة نظره هو واكيد طبعا الاراء هاتختلف لان وجهات النظر بتختلف
واكرر شكري تاني يا بيسو على الرد الجميل