المدن الجامعيه ... يا منجي من المهالك!!!

السلام عليكم ورحمة الله وبركاته

مساء الخير علي احلي شباب ف احلي منتدي

مشكله كانت اتعرضت قبل كده بس تم تعديلها ونقلها للقسم الصحيح نعتذر للمساهمين ف المشاركه السابقه والتي كانت بعنوان(( احلي قصه ف جامعة الزقازيق))

وذلك لعدم ملاءمة عنوان الموضوع وكذلك القسم التي عرض فيه

القضيه المطروحه للنقاش هي السلبيات التي تواجه المقيمين بالمدن الجامعيه

نرجوا المشاركه مع طرح حلول ان امكن

في انتظار مشاركاتكم

أنتو أزاى تحذفوا الموضوع والأراءاللى كانت مكتوبه من غير ما تخدوا رأى حد , وبعدين الموضوع كان فعلا مطروح للمناقشه والكل دخل وقال رأيه والموضوع كان سخن والمناقشه بقت إيجابيه , اسمحيلى أنت موتى الموضوع مش زودتى فرصه مناقشته.

مع احترامي لرايك

بس انا كمشرفه علي القسم شايفه ان اسم الوضوع لا يتناسب مع فكرته انتي بتناقشي التقصير ف المدينه الجامعيه تحت عنوان(( احلي قصه ف جامعة الزقازيق))

ده بيسيء لاسم الجامعه للاسف

وشكرا لمرورك

ملحوظه يا دكتوره

انا كنت قريت ردك وشايفه انك انتي والدكتور سندباد كنتم قلبتوها هزار وامن دوله وحاجات كده يعني حضرتك ابديتي رايك ومشكوره عليه

تقبلي مروري

باسم ادارة المنتدي

نأسف مره اخري علي نقل الموضوع وتعديل محور النقاش وذلك للخروج بافضل النتائج وتوسيع دائرة النقاش وليس النظر للمشكله من منظور المثال الذي طرحته الدكتوره
لوليتا فقط ولكن للنظر له من جميع ابعاده وطرح شتي المشكلات التي تقابل المقيمين بالمدن الجامعيه ومحاولة ايجاد بديل ان لم يكن هناك حل نهائي

والسلام عليكم ورحمة الله وبركاته

أولا واضح جدا أن العنوان ده نوع من أنواع التريقه وديه حاجه مش جديده علىأى منتدى فى المنتدى ده نفسه أتعملت كتير ,ثانيا هى مدينه الزقازيق ديه تابعه لجامعه الهند الغربيه مهى جزء من جامعه الزقازيق والجامعه عاملاها لطلبه جامعة الزقازيق واللىبياكل فيها طلبه جامعه الزقازيق وبعدين أنت بتتكلمى على جامعه الزقازيق كأنها جامعه مثاليه يعنى متركزوا شويه فى اللى بيحصل وبعدين أنت أصلا دخلتى فى موضوع الجامعه ده أزاى أحنا بنتكلم عن الذباب والأهمال ,وأخيرا وليس أخرا أنا كعضوه شايفه أن نقل الموضوع كان ملوش أى معنى ومش معنى أنت حضرتك مشرفه تحذفى الموضوع والأراء كان واجب عليكى تنقليه القسم اللى أتى كمشرفه شايفاه صح .

ايه دة يا توتا مين اللي بيجيب في سيرتي ؟
طيب انا واقف اتفرج بعيد ايه لازمة بقا تجيبوا في سيرة دكتور سندباد ؟
على فكرة انا مع دكتور جيري ومؤيد لرأيها
ازاي تحذفوا مواضيع وردود احنا كتبناها من غير ما تاخدوا موافقتنا ؟ انتي اتحججتي ان العنوان مكانش مناسب اوك بس كان المفروض تغيري العنوان فقط بدون مسح اي حاجة تانية
واحب اقول حاجة كمان بمناسبة موضوع المسح بدون استئذان دة
احب اقول موقف حصل من دكتور همس القوافي وضايقني شخصيا انا و عضو اخر اسمه klod
الموقف هو ان كل الاعضاء والمشرفين هنا عارفين ان انا بسافر السعودية كل صيف ومبفتحش النت في الصيف الا كل فين وفين واثناء كدا برضو العضو klod هي جنسيتها سعودية من الرياض عملت حادث ودخلت المستشفى وكنا احنا الاتنين مشرفين قسم الحب والحبيبة وبالتالي اصبح القسم بدون اشراف طول الصيف وفي الوقت دة فيه واحد قليل الادب دخل في قسم الحب والحبيبة وبدأ ينزل افلام وصور وكلام اباحي وبالتالي اتعرضت لوقت طويل والكل دخل قرأ الكلام دة وشاف الصور دي
طبعا دخل دكتور همس القوافي بدل ما يشيل الموضوعات دي مسح القسم كله لفترة طويلة طبعا من غير انا معرف مع ان القسم كان فيه اكتر من 500 موضوع وردود كلها كانت لوحدها اكتر من نص المنتدى وكان اكتر قسم شغال
طبعا انا اضايقت من همس القوافي جدا لان كان المفروض يمسح الحاجات الاباحية فقط مش يشيل القسم كله
المفروض على الاقل كان يقول لي لسببين
اول حاجة بصفتي مشرف القسم
تاني حاجة بصفتي ان انا كنت كاتب اكتر من 60% من مواضيع القسم يعني انا كنت عامل فيه شغل حلو اوي وطبعا دة كله راح

انا احب اسمع رايكم في الحكاية دي واحب اعرف دلوقتي مين الغلطان انا ولا همس القوافي

the dark blood كتب:: أولا واضح جدا أن العنوان ده نوع من أنواع التريقه وديه حاجه مش جديده علىأى منتدى فى المنتدى ده نفسه أتعملت كتير ,ثانيا هى مدينه الزقازيق ديه تابعه لجامعه الهند الغربيه مهى جزء من جامعه الزقازيق والجامعه عاملاها لطلبه جامعة الزقازيق واللىبياكل فيها طلبه جامعه الزقازيق وبعدين أنت بتتكلمى على جامعه الزقازيق كأنها جامعه مثاليه يعنى متركزوا شويه فى اللى بيحصل وبعدين أنت أصلا دخلتى فى موضوع الجامعه ده أزاى أحنا بنتكلم عن الذباب والأهمال ,وأخيرا وليس أخرا أنا كعضوه شايفه أن نقل الموضوع كان ملوش أى معنى ومش معنى أنت حضرتك مشرفه تحذفى الموضوع والأراء كان واجب عليكى تنقليه القسم اللى أتى كمشرفه شايفاه صح .

لا والله يا دارك هي فعلا تبع جامعة الزقازيق بس لما تيجي تنقشي سلبيات ياريت تقتصري علي المكان اللي فيه السلبيات بلاش نمشي بمبدأ السيئه بتعم والحسنه بتخص لانه مبدأ ظالم

وانتي بتقولي انا دخلت ف موضوع الجامعه الزاي بدل انتم بتتكلنوا ف موضوع الاهمال والدبان بيتهيالي عنوانك ماكنش اهمال ولا دبان كان جامعة الزقازيق

اما من ناحية ان جامعة الزقازيق مش مثاليه ذي ما انتي شايفه ف انا شايفه ان كلامنا عنها بطريقه وحشه هو اللي مقلل مركزها بين الجامعات

واحب اوضحلك اني نقشت الموضوع ده ف ا ندوه قبل كده وكان راي الدكاتره المشرفين علي الندوه ان احنا اللي بنعمل اسم جامعة الزقازيق والواجب علينا اننا ندافع عنها ونثبت للكل انها قادره علي المنافسه مع جامعات مصر

ودوري كمشرفه احافظ علي منظر المنتدي واحذف اي مشاركات تسيء للمنتدي او الكليه او الجامعه او لاي عضو من الاعضاء

ولا أنت ولا همس الموضوع جه كده بظروفه يمكن مكنشى عارف يوصلك ويمكن علشان فعلا العضو الغير محترم ده زودها أوى والأعضاء أشتكت ومكنشى عارف يعمل أيه وبعدين منتا موجود أه أكتب لنا موضيع جديده وأحنا هنظبطك فى الرد
وبعدين غير الموضوع أنت عاوزنا نتهم للمره الثانيه بالتهريج والهزار فى الموضيع الجاده التى تحتاج لمناقشه أعلى من مستوى المناقشه اللى مليانه تهريج اللى أحنا كتبناها أحنا لازم نتمجلس ونتدارس ونتمحور ونتجادل وووووووووووووووووووووووووووووووووو.
وبعدين ياتوتا متحوليش تتكلمى أو تبررى تبريرات ملهاش معنى الأعتراف بالخطأ مش جريمه ده فى حد زاته شجاعه .
وبعدين حرام عليكى ياشيخه يعنى أنت الوحيده اللى شايفه أن الموضوع يسئ لجامعه الزقازيق ماكل اللى دخلوا كتبه رأيهم من غير فصحى ولا رقعه وأنا فى جامعه القاهره ولو حد دخل ونقل واقعه حقيقيه مش هدخل أقله لأه أستب أنت بتغلط فى الجامعه بتعتى .,

ايه يا جماعه انتوا مكبرين الموضوع كده ليه
توتا نقلت الموضوع للقسم الصح اللى هو قسم المشاركات والحوار وعلى ما اظن ان اغلب اللى ردوا
على الموضوع كانوا اخدينه هزار ولا ايه

اما بالنسبه ليك يا دكتور سندباد

فاحب اقولك انا نفسي اتضايقت من شريف لما مسح القسم لاني برده كان ليا مشاركات فيه

اما بالنسبه لحذف الموضوع ده قرار يرجع للمشرف

وانا حابه نظهر جامعتنا ومنتدانا ف احسن صوره

وعلي فكره حصلت مشكله بين العميد ومحمد فوزي امين اسرة مودرن فارماسي علي موقع egy pharmazone
لانه برده اتكلم بشكل وحش عن النتيجه

فمنعا للمشاكل ياريت النقاش ياخد اطار جد شويه

وتقبلوا مروري

the dark blood كتب:: ولا أنت ولا همس الموضوع جه كده بظروفه يمكن مكنشى عارف يوصلك ويمكن علشان فعلا العضو الغير محترم ده زودها أوى والأعضاء أشتكت ومكنشى عارف يعمل أيه وبعدين منتا موجود أه أكتب لنا موضيع جديده وأحنا هنظبطك فى الرد
وبعدين غير الموضوع أنت عاوزنا نتهم للمره الثانيه بالتهريج والهزار فى الموضيع الجاده التى تحتاج لمناقشه أعلى من مستوى المناقشه اللى مليانه تهريج اللى أحنا كتبناها أحنا لازم نتمجلس ونتدارس ونتمحور ونتجادل وووووووووووووووووووووووووووووووووو.
وبعدين ياتوتا متحوليش تتكلمى أو تبررى تبريرات ملهاش معنى الأعتراف بالخطأ مش جريمه ده فى حد زاته شجاعه .
وبعدين حرام عليكى ياشيخه يعنى أنت الوحيده اللى شايفه أن الموضوع يسئ لجامعه الزقازيق ماكل اللى دخلوا كتبه رأيهم من غير فصحى ولا رقعه وأنا فى جامعه القاهره ولو حد دخل ونقل واقعه حقيقيه مش هدخل أقله لأه أستب أنت بتغلط فى الجامعه بتعتى .,

علي فكره انا لو غلطانه فعلا هعتذر

ولو سمحتي يا دارك بليز يا حبوبه كلامك ده(((( تحتاج لمناقشه أعلى من مستوى المناقشه اللى مليانه تهريج اللى أحنا كتبناها أحنا لازم نتمجلس ونتدارس ونتمحور ونتجادل وووووووووووووووووووووووووووووووووو.)))))
معناه انك بتستخفي بالنقاش فلو انتي شايفه ان رايك ف المره الاولي كان كافي فاحب ااكدلك ان وصل ومشكوره عليه

لان لوليتا شايفه ان الموضوع مهم لازم طرحه للنقاش واحنا كنموزج للطلبه سواء مقيمين او غير مقيمين ف المدينه لازم نحاول نلاقي حل او بديل للمشاكل والسلبيات دي

واحب ااكد للمره المليون ان التوبيك اللي لوليتا عملته ماكنش مناسب للنقاش بدليل ان ماحدش اقترح حل او اضاف سلبيات اخري

لكن كل الاعضاء اكتفوا بالتعليق فقط

فانا حبيت انقله لقسم النقاش علشان ياخد حقه ف النقاش

لان انتي انكزيتي قالت ان في سلبيات تانيه واحنا حبين نسمعها

وشكرا لرورك ونورتي منتدي شبابنا جامعة الزقازيق

أنا قلت أنتى غلطى لما حزفتى الموضوع كان ممكن تنقليه أو تغيرى العنوان مدام مضيقك كده وعموما خلاص الموضوع مش كبير أوى ولا حاجه وأولا وأخيرا المنتدى بتعكوا وأحنا ضيفكوا .

the dark blood كتب:: أنا قلت أنتى غلطى لما حزفتى الموضوع كان ممكن تنقليه أو تغيرى العنوان مدام مضيقك كده وعموما خلاص الموضوع مش كبير أوى ولا حاجه وأولا وأخيرا المنتدى بتعكوا وأحنا ضيفكوا .

اوكي يا قمر ولا يهمك علي العموم حصل خير وف الاول والاخر احنا كلنا اخوات وحبايب

وعيب تقولي كلمة ضيفه دي كفايه انك اخت انتي يعني بالتابعيه واحده من بنات شبابنا

وان شاء الله هنحاول نجمع السلبيات وبفكر نعمل عليها استفتاء ف الكليه ونصعدها بعد كده بيتهيالي كده هتبقي افضل وربنا يسهل ويوفقك الكل

اقتباس :: اولا أنت ولا همس الموضوع جه كده بظروفه يمكن مكنشى عارف يوصلك ويمكن علشان فعلا العضو الغير محترم ده زودها أوى والأعضاء أشتكت ومكنشى عارف يعمل أيه وبعدين منتا موجود أه أكتب لنا موضيع جديده وأحنا هنظبطك فى الرد
وبعدين غير الموضوع أنت عاوزنا نتهم للمره الثانيه بالتهريج والهزار فى الموضيع الجاده التى تحتاج لمناقشه أعلى من مستوى المناقشه اللى مليانه تهريج اللى أحنا كتبناها أحنا لازم نتمجلس ونتدارس ونتمحور ونتجادل وووووووووووووووووووووووووووووووووو.

مكانش عارف يوصلي ازاي ايه ؟؟؟؟؟
شريف فوزي مسح القسم قبل الدراسة ما تبدأ بأيام او في اول اسبوع من الدراسة مش فاكر بالظبط وانا كنت جيت من السفر بقالي اكتر من 10 ايام وقابلت شريف خلال ال10 ايام مرتين في قاعة البارون في الزقازيق وكان معانا احمد فتحي ومرة منهم قابلنا محمد ربيع كمان يعني مجتش فرصة ياخد رايي في مسح القسم ولا لا ؟؟؟
تاني حاجة عالاقل خالص كان يبعتلي رسالة خاصة يقولي فيها حاجة
تالت حاجة انا مش زعلان ان المواضيع كانت حلوة ولا كانت وحشة والكلام دة انا زعلان ان مبدأ المسح من غير استئذان دة اصلا مبدأ مش كويس
وبعدين انا لا بهرج ولا بهزر في المواضيع الجادة انا بتكلم في قضية وموضوع انتي اللي طرحتيه هو مسح المواضيع والردود من غير استئذان يعني انتي زعلتي عن موضوع فما بالك انا اتمسح القسم بتاعي كله

معلش يا محمود وبجد انا اشهد انك كنت عامل شغل جامد ف قسم الحب والحبيبه

بس خلاص بقي شريف قال انها غصب عنه محصلش حاجه طول ما انت موجود يبقي انت ملزم تجبلنا كل ماهو جديد

ومستنيين مشاركاتك

نورت الموضوع

وحمدالله علي سلامتك

انا مش عارفة اقول ايه والله بس المفروض ياتوتة كنت قولتي انك هتنقلي الموضوع انتي غيرتي الموضوع بالمرة انتي نقلتيه من القسم وبتقولي ان مكانه كدة مش صح وغيرتي العنوان
وكمان معرضتيش المشكله وخرجتي منها بالدفاع عن جامعة وبلدك
اولا بالنسبة للجامعة دي جامعتنا كلنا مع ان انا لو كان باديا كنت انتقلت جامعة تانية بس نعمل ايه حكم القوي ..........................والحمد لله
اما بلدك ماتنسيش ان هى مصر يعني محدش يقدر يتكلم ...........ولا ايه
انا كتبت المشكلة علشان اعرف الاراء في حاجة زي التهريج اللي حصل في المدينه
وعلي العموم انتي قلتي قبل كدة ان الموضوع ده تافه
انتي المشرفة يعني باديكي تلغيه خالص ومفيش زعل
ماشي يا تووووتة ياعسل

اشكرك يا لوليتا علي سعة صدرك وتفهمك للموقف

بس علي فكره الموضوع اكبر من كده وياريت اشوفك ف اقرب فرصه او اكلمك لاني عايزه اسالك علي حاجه مهمه جدا حصلت علي المنتدي ومحتاجه تفسير

واسفه ليكي جدااا بس مش لاني نقلت موضوعك او غيرته لا ان بعتذرلك علي حاجه تانيه اول ماشوفك هقولك عليها

اما بالنسبه لنقل الموضوع صدقيني كده هيبقي افضل لو انتي فعلا عايزه تجمعي اراء وتوصلي لحل

لان علي حد قولك الدبان والاهمال مش اول ولا اخر السلبيات في المدينه

اشوفك علي خير

يا دكتر سندباد أنا لما قلت تهريج وهزار مكنتش أقصدك خالص أنا كنت بعلق على رأى توتا ولفلى أن مناقشتنا للموضوع كانت بتهريج أو يعنى ليست على القدر الكافى من الجديه .
وأنت من حقك طبعا تضايق على حذف القسم بتاعك وبعدين أنا كنت ردتلك على كل المواضيع اللى فيه وأنت فى السعوديه يعنى مقرتشى الردود يعنى من حقى أنا كمان أزعل علشان الردود بتاعتى بس يلا مش مهم أكتب تانى وأنا هردلك على طول أن شاء الله .

اشكرك يا توتا انتي ودكتور جيري وخلاص بقا انا انسوا المشاكل دي بقا والحذف ومش الحذف كبروا بقا

sindbad كتب:: اشكرك يا توتا انتي ودكتور جيري وخلاص بقا انا انسوا المشاكل دي بقا والحذف ومش الحذف كبروا بقا

ههههههههههههههه طول عمرك دماغ يا محمود

ماشي ياعم خلاص اساسا داحنا خلصنا كل الحليب والقشطه

صح يا لوليتااااااااااااااااااااااااااااااااااااااااااااااااا