يلا بسرعة الكل يدخل بسرعه يلا

فكره جميله جدا
أنا اسمى شريف
رايح تالته صيدله قديم
وساكن فى الشرقيه
ويعنى من قدامى اسرة شبابنا وبحبها جدا (واخده بالك يارحاب)
ومن اهم هواياتى الشعر بحبه جدا جدا جدا
وبحب كل الناس واتمنى اشوفهم سعداء ونفسى بجد اعمل حاجه للبلدى
وبس.................

همس القوافى كتب:

ويعنى من قدامى اسرة شبابنا وبحبها جدا (واخده بالك يارحاب)
وبس.................

,ho] واخده بالي علي الاخر يا دكتور شريف وانت اللي دايم ليها ف الاخر اما انا لو معاكو النهارده فمش ضامنه ابقي معاكو بكره ربنا يخليك ليها وتعلي بيكو كمان وكمان

[size=18]علي فكره انا مش زعلانه يا لوما علشان ما ادخلش المره الجايه الاقي حد كاتب استهدو بالله يا جماعه وانت اخوات والكلام ده
انا بس حبيت اوضح معلومه صغيره للدكتور شريف
(((بص يا شريف انا يمكن ما عملتش حاجه جديره بالذكر ف الاسره بس كل اللي اقدر اقوله اني لو كنتو طلبتوا اي حاجه كنت اكيد هعملها لو ف استطاعتي)))
بس اعمل ايه بقي انتوا اللي ما بتحبوش تتعبوا حد ههههههههههه قلبكو طيب موووووووووووووووووووووووووووووووووووووووووووووووووووووووووووووووووووووووووووت علي الاخر والله[/size]

حركة شبابنا انتى هتودينا فى تهية ولا ايه ههههههههههههههههههههه
كمان انا مش عارف رحاب بتقول كده ليه انا مقولتش حاجه اساسا كمان انا كمان كنت فى شبابنا القديمه
والموضوع مش موضوع انقلاب ولا انشقاق ولا حاجه دى قصه يطووووووووووووول شرحها
وكان المفروض ان يكون اسم الاسره غير شبابنا بس ما علينا
وطبعا احنا منقدرش ننكر مجهوداتك معانا يا د.رحاب
الموضوع مش مستاهل ده كله انا بهزر بس

هههههههههههههههههههههههههههههههههههههههههههههه

همس القوافى كتب:

حركة شبابنا انتى هتودينا فى تهية ولا ايه ههههههههههههههههههههه
كمان انا مش عارف رحاب بتقول كده ليه انا مقولتش حاجه اساسا كمان انا كمان كنت فى شبابنا القديمه
والموضوع مش موضوع انقلاب ولا انشقاق ولا حاجه دى قصه يطووووووووووووول شرحها
وكان المفروض ان يكون اسم الاسره غير شبابنا بس ما علينا
وطبعا احنا منقدرش ننكر مجهوداتك معانا يا د.رحاب
الموضوع مش مستاهل ده كله انا بهزر بس

مش عارف انا بقول ايه انا برد علي كلمتك ((((من قدامي اسرة شبابنا وبحبها جدا واخده بالك يا رحاب))))) اللي بقوله بقي اني واخده بالي والمفروض انك تاخد بالك انت كمان
ومقدرين مجهوداتي متشكره جدا علي المجامله اللطيفه دي يا دوك
وبتهزر كمان يا شريف ايه هي الدنيا حر عندكو قوي كده لا حول ولا قوة الا بالله

lovelygirl55 كتب:

استهدوا بالله يا جماعه مش كده
هنخسر بعض عشان خاطر اسم عيب احنا اخوات
يلا يلا بوسوا على راس بعض يلا
بلاش عياط يا توتا وانت يا شريف نزل السيف ده من ايدك
اهدوا يا جماعه

هههههههههههه والله
انا بيتهيألي يا لوما اني قولتلك ان ده مش زعل ولا خناقه علشان تقولي البقين دول
وبعدين ايه بلاش عياط دي !!!!!!!!! هي دموعي بقيت تريقه للي يسوا واللي.....
ايه يا لوما ما تعقلي امال دانا بحبك

أنا صفا
فى تالتة قديم
بحب القصص والكتب الدينية جدا جدا , وبموت بموت فى سيدنا عمر بن الخطاب.,ومن أكثر الكتب اللى عجبتنى ,,رجال حول الرسول,,وسيدات بيت النبوة,,واسلاميات للعقاد.
وطبعا بحب الطبيخ
سلام

اسمى وسام,,طالبة بالفرقة الثالثة قديم.
هواياتى: الشعر والموسيقى الكلاسكية والرسم.
امنياتى على المستوى الشخصى: إنى أخلص الكلية لأنى زهقت, وإنى استقر نفسيا لأنى كتيرة النقد لنفسى.
أمنياتى للآخرين: اتمنى إن كل الناس تحقق أحلامها وربنا يهدينا.
أكثر حاجة ممكن أكرهها فى الناس إن أى حد يفهمنى غلط.
لونى المفضل:اللون الأبيض واللون الأزرق.
وبحب الفراش جدا لأنه كائن رقيق وحساس.
على فكرة يا جماعة أنا لسه جديدة فى المنتدى.

احمد
تانية قديم ومحدش يسال ليه(مفيش نصيب)
رسم-كتابة-قراية(احمد خالد توفيق-صلاح جاهين-احمد رجب- محمود السعدنى)
احيانا نحت
واحيانا تانية رسم على قزاز
واحيانا تالتة نوم
والاهم بقى الرابعة
سرحان وتوهة

سلام للكل
مخصوص عشان لوما

وانا محمود
من الزقازيق في صيدلة الزقازيق
انا اعتقد ان مفيش حد من الاخوة الاعداء ميعرفنيش سواء شرشر او رحاب او الهام او احمد
وبجد انا بعتبر كل اعضاء الاسرة اخواتي ... ولا ايه يا شرشر ؟؟ ههههه
انا هوايتي بحب العب بنج بونج بس مش محترف فيها وكمان اللي سمع صوتي وانا بغني هو اللي يحكم هههههه بس مفيناش تحديف بالطماطم وبحب اسمع حليم جدا جدا لان انا فعلا بعشق حليم
اما في الشخصيات التاريخية اللي بحبها انا بحب اكتر الشخصيات التاريخية وخصوصا (( قطز )) دة انا بعشق قصته وخصوصا قصته الرومانسية مع (( جهاد )) او جلنار
والحمدلله ان المنتدى وصل بنها بس انا فيه سؤال تاعبني نفسيا اوي هو ازاي وصل ؟ بالقطار ولا العربية ولا سوبر جيت ؟هههههههههه
وربنا يسهل والمنتدى يوصل تنزانيا وكوالالمبور

الموضوع أبسط من البساطه ,أنا ياسيدى هشرحلك بالظبط أزاى المنتدى وصل لحد بنها بس أرجوك ركز معايا
بص ياسيدى أنا كنت قاعده فى البلكونه بشرب شاى بلبن هه بشرب أيه شاى بلبن وبعدين خير اللهم أجعله خير لقيت بومه بيضا يعنى كده لا كبيره ولا صغيره معايا ياعم ركز شويه فأنا ياسيدى أستغربت وقلت أيه اللى جاب البوم هنا ببص لاقيت البومه بتقرب وبتقرب وبتقرب وأنا محسبتك يعنى لا أقبل الخوف أو التراجع فأيه تنتنى قاعده فى مكانى وزياده فى العند خت شفته شاى بلبن مهو من أهم طرق كسب المعرقه أنك تثبت للطرف الأخر مدى الثقه بالنفس ياعم أنت معايا ولا نمت ياخونا حد يصحى الجدع ده المهم بقه مفيش بينى وبين البومه غير 2 سم وعينى فى عنها قمت قلتلها أنت يا عصفوره ياضعيفه أيه اللى كسر جناحك كده معايا ياعم مركز تمام لو مركز هتقولى عصفوره أزاى هقولك بس أستهدى بالله أنت فكرنى بغنى عليك مهو من أهم طرق كسب المعارك أنك تفقد الطرف الأخر الثقه بنفسه قمت قلت للبومه أنت عدو ولا حبيب بعد ملقيت ياعينى رشها بيقع من الرعب قلتلى وهى بتترعش هارى بوتر بيمسى عليكى وبعتلك السلام وبيقلك أنه بالصدفه والله وهو بينفذ المهمه الأخيره اللى كلفتيه بيها لاحظ ظهور منظمه جديده من شباب صيدله الزقازيق بيتحاوروا على ما يسمى النت وأنه طبعا مش قصده تنفيذ أى مهمه بدون علم سموك بس عرف كده بالصدفه ويطلب العفو والسماح معايا ياسيدى فكرت شويه وقلتلها بلغى هارى أنى مسمحاه ومقدره أخلاصه وهعمله أن شاء الله فلم جديد بأسمه وأنا هبحث الموضوع ده بنفسى وبعد التشاور والتحاور جمعت عمك أبو رجل مسلوخه وستك أم أربعه وأربعين ولو سيادتك مركز معايا هتقول مين دول هقولك يوه أنت غشيم أوى أكيد دول يعنى المشتشارين بتوعى المهم قررت أدخل المنظمه بتعتكو لحين الكشف عن ماورأها من أهداف
لو كنت نمت بقه أصحالى لأه أستنى ده الشاى بلبن خلص عموما أنتو معاكو أجدع بنتين فيكى ياصيدلة الزقازيق وهما طبعا antianaxity,ومريم هما اللى عرفونى على المنتدى يعنى الموضوع مش شهره ولا حاجه وللعلم أنا مش سكنه فى بنها خبط لزق ممكن تعتبره لزق من غير خبط
وديه ياسيدى حكايه البنت النبغه اللى فى أسنان القاهره
تأليف وأخراج dr:jerry اللىهو أسم الشهره بتاعى وبطوله أولى ليه طبعا ومشاركه فى التمثيل للبنتين اللى قلتلك عليهم وأكيد كان فيه دور صغير للوجه الجديد سندباد بس أتمنى أنك تكون لسه عايش أصلا
وده كان جزاء الفضول اللى عند البشر ماهو لوكل حد يخليه فى حاله مكنتش أضطريت تقرأ كل ده والأهم من كده كنت أنا ذكرت حاجه نفعتنى بس يلا أنتظرونى فى الجزء الثالث وهتسألنى وتقولى فين الجزء الأول هقولك يوه أنت غشيم أوى أكيد الجزء الأول لما عرفت بنفسى يلا سلام يا دكتر سندباد هما صحيح قطعو الكرتون بتاعك ليه دنا كنت متبعاه وبستناه بالليل على القناه الأولى أه صحيح أكيد هينزلوا حاجه من مؤلفاتى .