لو بنحب البلد دي

مصر....كلمة اسمعها يهتز لها قلبي وتثار معها شجوني وتطوف بي الذكريات.....الله عليكي يا مصر انت الوطن انت المكان اللي برتاح فيه انت المكان اللي عشت وعاشت معايا ذكرياتي فيه والله بحبك [size=18واخذت عهد على نفسي اعيش عشان ارضي ربي واكون احد الاسباب في علاكي ورفعة راسك وترجعي من تاني ام الدنيا............ انا بحبها ومتاكده ان كلنا بنحبها بس المشكله ازاي نحول حبها ده لفعل مش كلام واغاني...آه لو كل واحد اخلص في عمله,لو كل ام راعت ربنا في الامانه اللي بتربيها ,لو احنا كطلبه حطينا التفوق امام عينينا,لو الموظف رفض يبيع نفسه عشان ملاميم ,اكيد هتبقى احسن يا بلدي(ارجوكم اللي يقدر يعرف معنى الانتماء ويوصله لغيره يوصل لاني اكتشفت ان احنا محتاجين نحب مصر)]

حب مصر ,ما كلنا بنحب مصر, ,كل انسان بيحب وطنه , بس قبل ما نطلب من المرتشى أن ضميره يصحى نسأله أيه اللى نيمه ,قبل ما نقول للطالب أن يحط التفوق هدف أمامه من أجل وطنه لازم نقوله أنه لما يتخرج بنفس التفوق اللى عاهد نفسه عليه هيشحت ويصيع ويموت من غير ما يكون اسره ومنغير ما يعمل حاجه ودى أقل العواقب ,أحنا ممكن نقوله أقتل عشان تربى أخواتك , أسرق عشان تعيش , ممكن نقوله بدل ما تتجوز عيش ياعم هو أحنا لقين ناكل عشان نتجوز ألعب ببنات الناس ما الزنا موجود عادى مفيش حاجه اسمها حرام دلوقتى , بدل ما نقول للأم ربى ولادك كويس نشوفلها حته تدفن ولادها فيها لما يموته وده فى القريب العاجل طبعا , مهو الأولاد محتاجين لاكل ولدواء وللنوم ..........فهو ليتشردوا لأمهم تسرق لتشحت لتبيع نفسها لتموت عيالها وتموت نفسها ,
أحنا محتاجين نسجن الراشى قبل ما نحاسب المرتشى ,أحنا محتاجين نحاسب الكبير فبل مانموت الصغير ,الشعب المصرى مات من كتر الذل والفقر محتاج للأكل قبل الحب ,محتاج للنوم قبل الأخلاص ومحتاج ومحتاج ...........................................................................
ياأنستى نحن الأن شعب عقيم مشلول لا يطلب منا شئ .
هذا ليس نقد لكى أبدا ده نقد لواقع مرير وفهم خاطئ , وانا عارفه انك بتكتبى لانك بتحبى مصر والله العظيم أنا كمان بحب مصر ونفسى تكون أحسن بس لازم نتكلم صح ونفهم صح علشان نعالج صح
وشكرا ليكى وسمحينى لو كنت أحبطك .

بجد موضوع جميل جدا لان الانتماء فى الزمان ده اقدر اقول عليه انتهى مع ان الموضوع ده خطر جدا ان الشباب الدلوقتى معدش فعلا بيحب بلده ولازم يا جماعه واحنا بنتكلم عن حب البلد نفصل مابين البلد ككيان ومابين الحكومه او افراد فى البلد يمكن يكون فى قصور فى الافراد بس ده مبيخلنيش اطلع العيب على البلد بجد والله انا لما باسافر وارجع تانى ببقى نفسى ابوس تراب الارض دى وبحس احساس غريب زى ما اكون عاوز اعيط واضحك فى نفس الوقت بجد والله دى الحقيفه مش مجرد كلام ................وفى النهايه عاوزين كلنا نتجرد من انفسنا شويه وفعلا نفكر فى البلد ونحبها

اقتباس :

قبل ما نقول للطالب أن يحط التفوق هدف أمامه من أجل وطنه لازم نقوله أنه لما يتخرج بنفس التفوق اللى عاهد نفسه عليه هيشحت ويصيع ويموت من غير ما يكون اسره ومنغير ما يعمل حاجه ودى أقل العواقب ,أحنا ممكن نقوله أقتل عشان تربى أخواتك , أسرق عشان تعيش , ممكن نقوله بدل ما تتجوز عيش ياعم هو أحنا لقين ناكل عشان

ليه التشائم ده........ كله مش هقول إن الظروف المحيطة بينا جميلة وإن الشغل كتير وفى كل حته بس ممكن أقول إن فى ربنا الذى لاتنفذ خزائنه أبدا وأنا لا أعتقد إن فيه شاب يسعى بجد والله يخزله وده إللى مخلى الواحد صابر

دي في حد ذاتها مصيبه ان الشباب بيلبس تهمة البطاله والضياع والكساد والجوع والفقر والذل للبلد...طب هي البلد ذنبها ايه؟ذنبها باللي حاكمينها...........يا اخي الكريم ماسمعتش قول الله عز وجل "ان الله لا يغير ما بقوم حتى يغيروا ما بانفسهم" .....ما لو احنا بطلنا نعيب في البلد ونصلح من حياتنا ربنا هينصرنا مش على اعدائنا بس,لا كمان على انفسنا..انت مش مؤمن بالله وعارف ان ربنا قادر في لحظه يهديهم او يهدهم؟بس ربنا ينصر حشاشين ,متواكلين وليس متوكلين؟ربنا ينصر اللي يستحق نصره, واقرا نماذج التاريخ وهي تعرفك...ابسطها النكسه لما الشعب كله كان في لهو , وجاء وراها النصر لما كان شيوخ الازهر بيدخلوا الجيش ويعلموهم الفداء وحب الوطن من ديننا من اسلامنا ,لدرحة ان الصهاينه كانوا بيخافوا من حب المصري في الشهاده ,حبه للجنه............انا اسفه كلامي تقيل بس والله من غيرتي عليها.
ومعاك حق يا همس القوافي انا جربت وبعدت عنها,وبمجرد اني اشم هواها ,المح ترابها يعتريني شعور اعجز عن وصفه.

يا جماعه أولا أنا بنت مش ولد ,ثانيا أنا مش عدو وبحب بلدى مصر جدا جدا جدا, وده اللى أنا قولته لو كنتوا قرأتوا كويس , الأستاذ شريف بيقول أن لازم نفرق بين البلد ككيان وبين الحكومه كأفراد تقدر تقولى أنا قلت أيه يتناقض مع كلامك ,أنا كان كل كلامى عن أن أحنا منرميش المسئوليه على الضعيف وده المعهود ,أنا قلت قبل ما نحاسب المرتشى نحاسب الراشى فبل ماندوس الصغير نبص على الكبير ,وبعدين لمعلوماتكو التاريخيه كيان أى دوله جزء لا يتجزأ من أفراد الدوله والحكومات ,.والفرد الذليل المكسور دولته هى كمان بتنكسر سواء فى القريب أوالبعيد , أنا ما بقولشى أن مصر وحشه أبدا مصر من أجمل بلاد الدنيا والعالم كله عارف كده بس لوقنا مثل حى أيه لزمة الجمال مع الفقر والذل والأنكسار ,وحاجه غير كده عاوزه أقولها اليأس وعدم الثقه فى قضاء الله وقدرته حاجه ومعرفه الواقع والحقيقه حاجه تانيه خالص لو هنتنينا نتكلم عن الصبر والتوكل وأنحنا مستنين أمر ربنا يبقى مش هنتغير وأحب أفكر اللى قالت ربنل بيساعد المتوكل مش المتواكل ,لازم نعرف أحنا عايشين أزاى الأول, ولما نتكلم عن حال البلد الحقيقى ده مش معناه أبدا أن أحنا بنكرها ده معناه أن أحنا بنحبها وعاوزين نشوف الصح والخطأ علشان ننصرها ونحييها . وطبعا فى الأخر بحبك أوى أوى يا مصر

اولا اعتذر لتاخير الرد لتصليح الجهاز وارجو ان تقبلي اعتذاري آنستي عما قد ازعجكي مني...ثانيا نخش في الموضوع,الكلام ببساطه وبمثال :المرتشي لو قال لا للراشي ,الراشي مش هيديله الرشوه غصب عنه ؟مع العلم ان المرتشين معظمهم في ايديهم زمام الامور.واي واحد قال لا... الحق ويرفض الباطل هيقول لربه لما يقابله انا كل اللي قدرت اعمله في زماني اني ارفض الباطل واتمسك بالحق,لكن اللي كان في ايده يتمسك بالحق ويستسهل الباطل هيقول ايه؟هو اساسا مش هيلحق يقول حاجه..مع العلم ان سنة الحياه انك تشقى عشان الحق...مافيهاش حاجه لو تعبنا كام سنه عشان الجنه الابديه... احنا في زمن القابض على د ينه كالقابض على الجمر ده كلام حبيبنا "صلى الله عليه وسلم"

أولا يا meshmesh ولا يهمك محصلشى حاجه , ثانيا أنا مقولتش أن أنا مع المرتشى أبدا والظروف الصعبه اللى البلد فيها عمرها ما تبرره خطأه ده وهيتحاسب أكيد فى الأخره ,ولو فيه حد شريف وقادر أكيد هيحاسبه كمان فى الدنيا , والحساب يوم الحساب , وأرجع تانى وأقول أن أنا كان كل قصدى أن أحنا منحملشى مسئوليه كل الأخطاء على الضعيف ونسيب المتسبب الرئيسى فى الفسلد بس لمجرد أنه واصل لأن ده فى حد ذاته مصيبه تحدث عنها رسولنا الكريم محمد صلى الله عليه وسلم حينما قال "لقد هلك الذين من قبلكم ,أنه كانوا إذا سرق فيهم الشريف تركوه ,وإذا سرق فيهم الضعيف أقاموا عليه الحد , والله لو أن فلطمة بنت محمد سرقت لقطعت يدها " صدقت سيدى يا رسول الله صلى الله عليك وسلم
غزيزتى أتمنى أن تتفهمينى فنحن لسنا مختلفين بل نحن متفقتان أولا على الحب وهو حب الله ورسوله وهو ما يتضح من ردودك ,وأيضا على الحب الغريزى وهو حب مصر , ثانيا نحن متفقتان فى الرأى أيضا ولكن المسأله مسألة سوء فهم كلانا لكلام الأخر .وأنا بشكرك على الأهتمام وعلى المناقشه الجميله دى أنا استمتعت بيها جدا وشكرا على الموضوع الجميل ده وأكيد الحاجات الجميله دى طالعه من حد جميل زيها وشكرا .

انا سعيده جدا بالردود دي ويارب اكون قدمت كلام افاد.شكرا يا dark bloodوشكرا يا شهد.