فى دنيا الخيال
باحلم انى الاقيك
باحلم واقوم من حلمى
القانى عايشة فى خيالى
خيال عجيب لكن لذيذ
لانى دايما فيه الاقيك
وكل شئ جواه بصدق
باحس انه الحقيقة بعينها
خيال لذيذ.....خيالك انت
اقصد خيالى
معاك باحس ان الخيال هو انا
ومعاك باحس ان الجمال برضه انا
فكرت اقولك على اللى جوايا
فكرت اقولك يا حبيبى
لكن ابائى رفض
وعيونا ما بينهم اباء
اتكلمت مع بعضها لحظة لقانا
وقلوبنا طافت فى الفضا
مع بعضها لحظة لقانا
فكرت ابعد...فعلا بعدت
لكن صورتك فضلت جوايا
انام اقوم.....اقوم انام
صورتك يا غالى دايما فى بالى
والشوق جرح فى قلبى
وما قدرت ابعد يا غالى
وجريت بحجة اى حجة
لمكان وجودك عشان اشوفك
واطمن قلبى عليك
احساس جميل لحظة لقانا
علامات بشاير على الوجهين
بعد التحية والترحاب
بين العيون ويا القلبين
تطرح ورود تشغل عقود
ويا السعادة تزين صدورنا
وتوجنا
باحلم خيالى يكون حقيقة
لكن الحقيقة ما تكون خيالى
