استفتاء عن رايك فى قانون الطفل

فعلا الموضوع ده مهم وشغل راى ناس كتير اوى

ممكن واحد على الاقل يقنع الجميع به

بجد القانون ده ممكن يادى الى مشاكل كبيره جدا

ياريت يا مداح القمر تدينا فكرة بسيطة عن قانون الطفل علشان نكون عارفين احنا بنصوت على ايه ... وشكرا

انا اسف يا سندباد افتكرت انك عارفه
بس هو عباره عن سلاح تعطيه الدوله للطفل بان له الحق ان يسجن حتى ابويه اذا عاقبوه
بالبلدى يعنى انك لو مديت ايدك على ابنك فيه اللى يكسرهالك
وده من باب التمويه عشان بس يطلع ابنك على مزاجه

وده طبعا مخالف للشرع قال رسول الله (ص)لعبوهم سبع . وربوهم وادبوهم على سبع وصاحبوهم سبع .ثم اترك له الحبل على غاربه

اى كل سبع سنين من عمر الطفل
وما ينطق عن الهوى

تسلم يا مداح القمر على الافادة والايضاح
بالنسبة لرأيي في قانون الطفل فهو قانون مرفوض طبعا

ده ايه التقليد الأعمى اللي إحنا فيه ده ... هما عاوزين يقلدوا الغرب في كل حاجة ؟؟؟؟
المفروض إنهم لو عاوزين التمدن و التحضر بتقليد الغرب الغرب فياريت يكون بالحاجات المفيدة ....

طبعا قانون الطفل على حسب توضيحك يا مداح أنا بأرفضه ... وفي نفس الوقت مش بشجع الأباء على ضرب الأبناء ...
انتو عارفين لو القانون ده يوضع بضوابط معينة يبقى تمام على الاخر ...
يعني احنا ما نقدرش ننكر ان في أباء قاسيين جدا مع أبنائهم لدرجة تحسسك انهم مش ابنائهم فالاباء دول هما اللي مفروض يتعمل القانون بمعاقبتهم يعني عندما يثبت الضرب المبرح على الاولاد او حتى الاهمال التام الذي يؤدي الى تشريد الابناء ...
اللي انا عاوزة اقوله ان لو هما فعلا عاوزين يعملوا قانون الطفل لازم يكون بشروط الا وهي ان يكون الطفل تعرض للعنف والعسف والقهر بطريقة زائدة عن الحد ومتكررة ومن غير سبب أو انها قد تؤدي الى تشريد الطفل ده وخاصة للأباء معدومي الرحمة اللي مش بيهمهم ولادهم وبيطردوهم من البيت ... لكن بقى لما أب يضرب ابنه ( بعد ما نصحه الاول ) علشان ابنه غلط أو قليل الادب او بيشرب سجاير او غيره من الاسباب التي لابد معها العقاب فطبعا مش من حق الطفل انه يرفع دعوى على أبوه ..

فطبعا رفضي للقانون ده اذا اتوضع من غير قيود ..( لكل من هب ودب يعني ) ومش معنى كدة اني بشجع الاباء على ضرب ابنائهم فمن كان مرباه بالعسف والقهر والعنف من المتعلمين حمله ذلك على الكذب والخبث

يارب يكون رأيي وصلكم وقدرت أوصله بالطريقة الصحيحة

مع تحياتي

القانون اللي بتحكي عليه يا مداح أكيييييد مرفوض وبيكون اصلا ضد الطفل مش بيفيدوه لانوا حيضيع الطفل اكتر

بس ممكن متل ماحكت هاجر انو يطبق على الآباء اللي بيكونوا عنيفين مع أبنائهم

وشكرا ليك للموضوع

شكرا اوى ليكم اخوانى على ردكم اللطيف

بس يا ياسمين لما يكون الاب عنيف مفتكرش ان الحكومه

ممكن تفرق بين الاب العصبى والعنيف او اللطيف

يا أخ مداح أكيد هيكون في آثار العنف على الأولاد إذا كان الاب قاسي جدا وعنيف مع أولاده .. وأكيد طبعا آثار العنف دي مش هتظهر على الاولاد الا إذا كان العنف والقسوة مستمرة وفي ازدياد ... وساعتها ( وده من رأيي ) إن من حق الإبن انه يبلغ عن أبوه من غير حتى ما يكون لازم يبقى فيه قانون للطفل ... يعني يعامل معاملة أي شخص بيلحق الأذى والضرر الجسيم على شخص آخر ..... والله أعلم

انا احب اضيف حاجة
ان عاطفة الابوة او الامومة تمنع الاب او الام من فعل اي اثار عنف بأولادهم يعني ( من رأيي ) ان مفيش اب او ام هايلحقوا الاذى او العنف بأبنائهم
و دة السبب ان الاسلام وصى الابناء على الاباء ولم يوص الاباء على الابناء لان من الفطرة السليمة ان العاطفة هي التي تتحكم في معاملة الاباء للابناء

لا مرفوض جدا جدا القانون ده ، لما الطفل يرفع دعوة على ابوه يبقى ايه الي ناقص يسجنه ولا يديلو حكم اعدام ، انا مش ضد الاطفال بس كل واحد يعرف حدوده،مرسي خالص على الموضوع ده