انا طير عايش حياتى
على الحب وعلى والحنين
احلامى وامنياتى
مالقيش احزان فى عين
فى دروب الدنيا طاير
بتدور بيا الدواير
لتعبت وقولت حاير
ولا هانوا الدمعتين
فى قلوب مليانة غربة
زرعت الحب حبة
تطرح ضلة محبة
للناس الطيبين
بيقولوا الهم شيلة
فوق ضهر الناس تقيلة
وانا باضحك كل ليلة
لو شيلت جبال انين
بالشمس بدفى قلبى
وبارفرف بجنحين
على دنيا لونها وردى
بتلم الطيبين
وسنين ماشى فى طريقى
واخد ايوب صديقى
شايل صبره فى عروقى
وباواسى العطشانين
للناس بافرش بساطى
لو جات اوقات صلاتى
وباقول امرك يا عاطى
انا ليك حانى الجبين
