ليه بتقول انك حبيتني

اغنية كمان من تأليفي
اسمها : ليه بتقول انك حبيتني
يارب تعجبكم

جاي بتقول لي بحبك لسة **** جاي بتقول لي بعد ايه
انت الاول قلتلي انسى **** هو دا اللي قدرت عليه
جاي بتقولي انا عاوز ارجعلك
جاي بتقولي انا عاوز اسمعلك
انا اللي دلوقتي مش عايزك **** انا اللي دلوقتي انا البايعك
وانت سيبني باللي انا فيه
ليه بتقول انك حبيتني ********** ليه بتقول انك حسيتني
انا عارف كل الحكاية ********* يا ريتني ما حبيتك يا ريتني
انا عارف ان انت الخاين ***** تجرح تئلم جرحك باين
ولا غيرك انا شفت محدش ***** ولا قبلك ولا بعدك خاين

ليه .... ليه

ليه بتجرح قلبي واحنا ... احنا كنا في يوم حبايب
كنت اداوي جراح ... ولا اكون مرتاح .. ويا القلب اللي غايب

ليه .... ليه

ليه بتجرح قلبي ... ليه بتنسى حبي
دا حبك كان ... ايام زمان ... احلى حاجة جوا في قلبي

ليه .... ليه

ليه بتقول انك حبيتني ******* ليه بتقول انك حسيتني
انا عارف كل الحكاية ***** يا ريتني ما حبيتك يا ريتني

حلو ة الأغنية بس اللي مو حلو إنك صورت حبيبتك خاينة ليييييييييييييييييييييييية!!

يا باشا الاغنيه ديه مش لكل البنات ومحدش يقدر يغنيها

شكل فيه حد صدمك وانت عملت كده

لا انا الحمدلله محدش صدمني
وهو يعني لازم حد يصدمني علشان اكتب تراجيدي ؟؟
لا انا بيجيلي افكار الكلمات وبكتبها عادي
على فكرة انا ميولي مش تراجيدي خالص بس بكتبها للتنوع بس
لكن انا اكتر حاجة بحبها الاغاني الرومانسية
والحمدلله ان الاغنية عجبتكم
ياريت بقا اللي يعرف ملحن او موزع يبعتلي رسالة خاصة
انا مبهزرش انا بتكلم جد والله

انا معجبه جدا يا سندباد بالاغنيه دى حلوة فعلا انك تنوع لان ده اللى هيشيل الممل وانك تالف اغنيهما اكونش عرفه نوعها ايه من قبل ماقراءها ده الجديد عوزه اشوف اغانى كتير منك ربنا يوفقك

ميرسي يا مي عالرد الجميل دة ويارب تكون الاغنية عجبتك يا جميل

جميل قوي ياسندباد

للأمام دوما يا سندباد ................
بس مش عارفة حاسه ليه ان (احنا كنا في يوم حبايب) انها لعبد الحليم حافظ
انت هتبقى حليم الزمان ده وللا ايه يا سندباد

حليم الزمان ؟؟؟
ميرسي يا هاجر على التعبير الجميل دة
يلا بقا زيدينا من اشعارك الجميلة




وبمناسبة الاغنية دي احب اطرح سؤال للنقاش

مين اللي بيخون حبيبه اكتر ؟؟ مين اللي طبعه الخيانة ؟؟؟ الولاد ولا البنات ؟؟

أنا من رأيي إن مفيش حد بطبعه الخيانة لا البنات ولا الأولاد ...لكن يمكن الظروف المحيطة هي اللي بتساعد على ان حد من الاتنين يتعرض لأنه يبقى في موضع الخيانة ... يعني بصراااااااااااااحة من الآخر الحيااااااة هي الخاينة مش البشر

انا معاكي ان الحياة هي اللي خاينة
بس برضو احنا ممكن اللي نخلي الحياة خاينة ولا مش خاينة
او عالاقل نقدر نتكلم في جزء منها
انا بقول كدا علشان الولاد بيقولوا ان البنات كلها خاينة والبنات بتقول ان الولاد كلهم خاينين و (( يا مأمن الرجال يا مأمن المية في الغربال ))
مش الكلام دة بيتقال من اكتر البنات ؟؟؟؟؟

ياريت دايما في تقدم يا سندباد وتمتعنا عالطول

بس من رايي ان الخيانه مش واقفة عند الي خان كان بنت او ولد الخيانة خيانة

حلوة الكلمات دي ومعبرة
بس علي فكرة في اغلب الأحيان بتكون الخيانة من قبل الرجل...

تسلم على الاغنية
جميلة

الاغنيه جميل يا عم وانا معاك انك مش لازم تكون مصدوم عشان تتكتب تراجيدي

اولا الحمدلله ان الكلمات عجبتكم
ثانيا ميرسي عالردود الحلوة دي
يلا بقا ايدكم في ايدي نخلي المنتدى دة جامد ونظبطه
انا عارف ان الحكاية دي البنات هاتقدر عليها وطبعا الولاد معانا
ويارب عدد الاعضاء الاكتيف يزيد وتحاولوا تقرأوا المواضيع القديمة لانها بجد فيها مواضيع اكتر من رائعة

جميلة اوي اية الصدق دة كلة
راءعة

حلوة اوى الاغنية يا سندباد
بس مش لازم تحكم ان حد خاين غير لو تحققت منه
ولكن فى غالب الاحيان بتكون الظروف هى اللى تبين احد الطرفين خاين
حتى لو كان عكس كدا
مش لازم نلوم ابدا على اى من الحبيبين

لا لا لا لا تلومونى
لا لا لا ولا تلوموه
لا لا لوموا على اللى قلبه خالى
واللى ما سهرش الليالى لوموا

تقبل مرورى

تسلمي يا الشموع السوداء على المرور والرد الجميل


تسلمي يا ايزيس على روعة الكلم ورقة الاسلوب

لعل عتبك محمود عواقبه****فربما صحت الأجسام بالعلل

معظم البنات عندهم اخلاص اكتر من الأولاد بكتير لذلك قليل اوى لما نسمع ان بنت خانة ولد بس كتير اوى بنسمع ان الولد خان البنت و للأسف فى الحالتين بتبقى مأساة بس الولاد بيتغلبوا على زعلهم بسرعة لاكن البنات مش بيقدروا ده رأيي خصوصا انى شفت حالات كتيرة من الخيانة و اغلبيا بتكون من الولاد
ارجوا انى مكنش ضايقت حد بكلامى
مشكور سندباد