شارك معنا فى انشطة اسرة شبابنا!!!!!!!!!!!!!!!!!!!!!!!!!!!

همس القوافى كتب:

فى البداية يا جماعه أنا سعيد جدا بمشاركتكم معانا وأفكاركم
وبخصوص معرض الأدوات فده ان شاء الله فكرنا فيه وهنعمله

ان شاء الله انا عارفه انكم بتفكرو فيه من السنه اللي فاتت
اللي انا عايزه اقوله اني اعرف حد فاتح مكتب مواد كيميا وادوات معامل ف شارع القصر العيني وبيتعامل مع دكاتره ف علوم الزقازيق انا اقترحت عليه الفكره وهو وافق انه يجبلنا الحجات اللي احنا عايزنها وباقل سعر فبكده هنقدر نقلل سعرها للطلبه ونرحمهم من عمو سعيد وامثاله اللي بيغلو سعر الحجات يوم بيوم
ف دلوقتي لو انتو عندكو حد يجبلكو خلاص ماشي لو لا قلولي وانا هطلب منه وفكرو وانا معاكو ف اي جاجه هتخدم الاسره والطلبه

ممكن يا جماعة اشارك معاكم لحسن دى اخر سنة ليا فى الجامعة وحاسة انى معملتش حاجة مفيدة فى اى نشاط فيا ريت لو تخلونى اشارك معاكم

اهلا بيكى يدكتورة سمسمة معانا وانتى فعلا واحدة مننا

اي حد عاوز يشارك معانا يشترك ويشارك من غير ما يستئذن دي زي ما اسرتنا اسرته هو كمان يعني دي مش اسرتنا احنا بس واحنا بنرحب بأي حد عاوز يشترك وعاوز يعمل حاجة

طيب انتو مقر الاسرة بتاعتكو فين ، انا عاوزة اشارك ، اشترك معاكو ازاي يعني

جميل جداً موضوع المجله ده
بس يا ريت تتكلم في التفاصيل أكتر
وأعتقد ان المواضيع مش مشكله
المنتدى مليان مواضيع جميله وممكن نجيب موضيع تانيه
بس نعرف ايه النظام