منبر شبابنا منبر من لا منبر له

الفكره دى كنا عاوزين نعملها فى مجلة الحائط فى الكليه بس نجربها الاول فى المنتدى وهيه ان احنا هنحط عنوان او نفتح نقاش فى موضوع والناس هيه اللى تتكلم وتقول رأيها وبسرعه نبتدى علشان منضيعش وقت.........
العنوسه مشكله اجتماعيه خطيره.......اسبابها وكيفية علاجها؟؟؟؟؟؟؟؟؟؟؟؟؟؟؟

ايه ياشريف....ايه ياعم....منبر لا منبر له ومضيعش وقت .....وكل واحد يقول رايه
وفي الاخر تبدا بالموضوع ده................
انت عاريز مين الي بقول رايه؟..............................
هههههههههه

علي العموم المفروض تكتب مقدمه عن الموضوع الي انت هتتكلم فيه الاول وبعض المعلومات عن المشكله وبعض البينات علشان الكل يعرف يشارك
مش الي بالي بالك بس

سلام ياشريف.....................زز

ايه تلقيح الكلام ده على فكره الموضوع ده فعلا ولله مهم ده اولا كمان بكد انا مش فى نيتى حاجه زى ما انت فاكر ويعم الموضوع مش محتاج بينات

كل الكلام اللي قلته تمام قوي لا يختلف عليه اتنين بس ايه حكاية اعادة النظر في تعدد الزوجات ده؟!!!!!
وضح معاه ولا ضده؟؟!!!

أولا بالنسبة للعرض فى مجلة الجامعة فبيتهيألى انها مش أوى يعنى ,إلا إذا كان قصدك استفتاء وترجع تانى تنشر نتيجته ,................وكذا..........
أما المقاطعة فأكيد كلنا سمعنا بالنتائج اللى اترتبت عليها من افلاس شركة ...و....................
و طبعا واجب دينى قبل وطنى,غير إن دار الإفتا جعلتها وزر.
بس للأسف الحماس ظهر وبعدين اختفى ,غص بن عنك لو ماشى فى عز الحر ودخلت محل كل الحاجة الساقعة حتى الميه مقاطعة, طب دا حتى بعض الادوية المهمة زى الانسولين وغيره تلاقيه مقاطعة
بس للامانة كل المنتجات الدنماركية معظم اللى اعرفهم وطبعا احنا قطعناها تماما,
وعقبال الباقى حتى نحافظ شوية على الإقتصاد القوى بتاعنا ......!هه

فى البداية شكرا على التعليق ده والاهتمام بالموضوع لانه فعلا موضوع مهم بس انا عاوز اعلق على نقطه مهمه ان اى سوبر ماركت او محل بيجيب الحاجات اللى هتشتغل عنده يعنى لو لقى اكتر من واحد بيسأله عن منتج معين طبعا هايجيبه يعنى مثلا اليسوبر ماركت اللى تحتى بيجيب سبورت مخصوص ليه علشان اكتر من مره باصر عليه ولما اتهاون شويه واشرب بيبسى او كوكاكولا يطنش ومجيبش سبورت اظن انتى فاهمه يعنى فعلا الواحد لو اصر على منتج تقدر تغير كتييير فى السوق واظن مثال الدنمارك مش محتاج توضيح وشكرا تانى على تعليقك

رائع ان احنا نحط ايدنا في ايد بعض عشان ربنا يرفع عننا الظلم والمهانه اللي بيتعرض ليها المسلمين بس يا رب الحماس مش يبقى وقتي................تحياتي

أنا بشكرك جدا يا دارك ومش عارفة أقولك إيه على المجاملة الظريفة ديه .
على فكرة الفقر الانتحارى هو التعبير كده أنا ما وصفتوش لأن فعلا الفقر المدجع ده أدى للانتحار والعدد فعلا كتر سواء كان فى النشرات أو حتى الصحافة مذكرتهوش.
ومعاك حق فى الفكرة ديه وهى العطف ومحاولة مساعدة المحتاجين,بس أهم حاجة الناس تفتكر دايما إن ربنا موجود وعمره ما بينسى حد(<إنى قريب أجيب دعوة الداعى إذا دعانى>)صدق الله العظيم........وإن ربنا سبحانه وتعالى قسم الارزاق على البشر بالتساوى,وإنه خلق الانسان ولم يكن شيئا,,,,,,وإن الفرد يعيش فى نار الدنيا الفانية خير من نار الآخرة الخالدة.. يعنى لازم الوعى الدينى يعود الاول.,

تمام يا بنات لازم يكون لينل دور وما نستناش الحكومه لانها مش هتعمل حاجه,يعني ممكن اقترح اننا نوفر من مصروفنا كل شهر مثلا 5 جنيه .ونديه لاول واحد محتاج نلاقيه ولافضل نخصصه لحد معين محتاج بجد....وحقيقي الموضوع هايل وتسلم اللي طرحته.

شكرا ليكى يا مشمش,,بس بجد المشكلة ديه أنا حستها بالذات الايام اللى فاتت ,,ويعنى إحنا بنحمد ربنا ونبوس إيدينا وش وضهر إن إحنا مش فى الابتلاء الصعب ده....وسبحان الله اللى فرض الزكاة كركن فى الاسلام.

انا مع همس القوافى فى كلامه بس فى حاجة انتو مش وخدين بالكو منها ان كل حاجة بقيت مستوردة من خارج البلد و الحاجات اللى مصنعة فى بلدنا خامتها مش كويسة يعى انا هتكلم عن نفسى كل حاجة بستعملها مصنعة خارجا لو حبيت اقاطع يبقى مش هستخدم حاجة خالص و لو الموضوع عن البيبسى و السبريت بس الواحد ممكن يقاطع المشروبات الغازية كلها بس المسألة اكبر من كده احنا بدل ما نقاطع المنتاجات الخارجية قاطعنا العمل قاطعنا تشغيل الفكر لو كل و احد فكر يطور نفسه فى مجاله هنكسب كتير بس احنا مشكلتنا اننا اللى بنخده فى الجامعات بنحفظه و ندخل الأمتحان نطبعه على الورق و نخرج نسيين كل حاجة

كلام حلو ورائع اوي يا ميران انا فعلا مع ميران فعلا كل حاجة بقت مستوردة من الخارج
لازم يكون فيه صناعات ذات جودة عالية في عالمنا العربي

اما بالنسبة لموضوع العنوسة فمن الحلول الرئيسية هو :
1- حل مشكلة البطالة علشان الشباب يعرف يتجوز
2- تعدد الزوجات (( طبعا بشروطه اللي هي العدل ))
(( فإنكحوا ما طاب لكم من النساء مثنا وثلات ورباع فإن خفتم الا تعدلوا فواحدة ))
3- عدم المبالغة في المهور و في شراء الشبكة و اوضة النوم لازم تكون من مش عارف منين والكلام دة لازم الاهل يرحموا شوية الرحمة حلوة

اعتقد ان ال 3 حلول دي هي اهم حلول للعنوسة
بارك الله فيكم
ادينا بنقول يارب حد يسمع

sindbad كتب:

اما بالنسبة لموضوع العنوسة فمن الحلول الرئيسية هو :

2- تعدد الزوجات (( طبعا بشروطه اللي هي العدل ))
(( فإنكحوا ما طاب لكم من النساء مثنا وثلات ورباع فإن خفتم الا تعدلوا فواحدة ))
3- عدم المبالغة في المهور و في شراء الشبكة و اوضة النوم لازم تكون من مش عارف منين والكلام دة لازم الاهل يرحموا شوية الرحمة حلوة

اعتقد ان ال 3 حلول دي هي اهم حلول للعنوسة
بارك الله فيكم
ادينا بنقول يارب حد يسمع

أيوة احنا بنقول والكل بيقول بس دلوقتي مفيش أب أو أم هترضى بالشروط دي .. هما بس ممكن يقعدوا يقولوا الكلام ده انه لازم الاهالي تتساهل ومش عارفه ايه بس لما ييجي الموضوع في الجد كل الكلام ده بيتنسي وكأنهم كانوا بيتكلموا عن كل الناس الا هما ... ويفضلوا يقولوا لا انا مرضاش لبنتي بأقل من مش عارفه كااااااااااااااام شبكة ومش عارفه منين موبيليا ووووووو........إلخ
لكن الحل الصحيح -مع انه على المدى البعيد شوية - اننا نتعلم من أخطاء آبائنا
و ما نكررش الأخطاء دي ........ ونفتكر اننا كنا في يوم من الأيام بنتناقش في المواضيع دي ومش عاجبنا تحكمات الآباء .. فياريت احنا كمان مانبقاش نكبر المواضيع و نصعب الأمور علشان نقدر نحل المشااااكل اللي بنواجهها دلوقتي وماتكونش ساعتها موجودة من الأساس.......

وتقبلوا فمني فئق الاحترام والتقدير

انا ليا رئى تانى مفيش انسان فى الدنيا عنده اغلى من ابنه و بنته و بيبقى عايز يحس انو مطمن على بنته و انها عمرها ما هتعانى فى حياتها علشان كده بيكتروا فى الطبات هما فى اعتقدهم ان ده صح و ده مش غلط فى نفس الوقت ده حب و خوف زيادة عن اللزوم لبنتهم .

انا من رأيي ان دة غلط لان لو كل الاهل عملت كدا يبقى رجعنا للمشكلة تاني
لازم كل الاهل مهما كانوا مين لازم يتهاونوا شوية

ايييييييييييه يا ميراااااااااااان ... رأيي مخالف ليكي تماما .. على فكرة رأيك ده هو اللي بيزيد من المشاكل ... يا بنتي لازم نكون أيجابيين في التفكير مش سلبيين .. أنا من رأيي ان كل واحد يتحمل مسئولية نفسه يعني مثلا اذا كانت البنت او الولد المقبلين على الزواج اختيارهم صحيح فهيعيشوا طول عمرهم سعداء ... واذا كان الاختيار خاطئ هما اللي هيتحملوا مسئولية خطأهم بنفسهم ومش هيرموا اللوم على حد غير نفسهم .. أما لو كان الاختيار اختيار الأباء وتعنتاتهم وحصل مشاكل بين الزوجين فيما بعد او حتى تم الانفصال فهيكون كل اللوم على الأباء فقط وان ده كان اختيارهم وهيعيشوا طول عمرهم يقولوا ان الاباء كانوا السبب ....... يارب تتتتتتتتتكون المعلومة اللي انا ععاوزة أقولها وصلتكم ووصلكم رأيي في الموضوع ... ورجع تاني وأقول نفس الرد اللي أنا قلته فوق :

"أيوة احنا بنقول والكل بيقول بس دلوقتي مفيش أب أو أم هترضى بالشروط دي .. هما بس ممكن يقعدوا يقولوا الكلام ده انه لازم الاهالي تتساهل ومش عارفه ايه بس لما ييجي الموضوع في الجد كل الكلام ده بيتنسي وكأنهم كانوا بيتكلموا عن كل الناس الا هما ... ويفضلوا يقولوا لا انا مرضاش لبنتي بأقل من مش عارفه كااااااااااااااام شبكة ومش عارفه منين موبيليا ووووووو........إلخ
لكن الحل الصحيح -مع انه على المدى البعيد شوية - اننا نتعلم من أخطاء آبائنا
و ما نكررش الأخطاء دي ........ ونفتكر اننا كنا في يوم من الأيام بنتناقش في المواضيع دي ومش عاجبنا تحكمات الآباء .. فياريت احنا كمان مانبقاش نكبر المواضيع و نصعب الأمور علشان نقدر نحل المشااااكل اللي بنواجهها دلوقتي وماتكونش ساعتها موجودة من الأساس......."

وتقبلوا فمني فئق الاحترام والتقدير

لو كل الناس عملوا زى ما beautyHager بتقول كده هيبقى فى اخطاء كتير اوى فى الجواز لأن مهما نكون احنا الشباب كبار مش هيبقى عندنا علم زى الأب و الأم هما لما بيطلبوا حاجات كتير عيزين يأمنوا حياة بنتهم عشان متتعبش مستقبليا و خصوصا فى ظروف الحياة دلوقتى .
احنا عندنا مثل فى مصر بيقول :يا بخت من بكانى و بكى عليا ولا دحكنيس و دحك الناس عليا.
و المعنى مفهوم مش صعب للدرجة
مع احترامى لآراء الجميع................