اللى عايز برنامج يطلب هنا

فلنجعل هذا الموضوع لطلبات البرامج
يعنى اللى عايز برنامج معين يطلب هنا وان شاء الله ربنا يقدرنا ونجبهوله فى اسرع وقت

Admin عدد الرسائل : 112 تاريخ التسجيل : 13/02/2007

موضوع فى منتهى الجمال وفكرة حلوة ياباو حميد
انا باقى هطلب اول طلب فى البرنامج
انا عاي برنامج windows media player 11بالكراك بتاع ياريت

وندوز ميديا بلاير 11 عشان يشتغل عندك لازم تكون عندك نسخة ويندوز أصلية
طبعا هى مش اصلية لكن احنا بنعملها أصلية وبعد كده حمل التحديثات الجديدة من موقع مايكروسوفت كلها بما فيها اكسبلور 7 كمان
لو متعرفش ازاى تخليه أصلية دى بقى موضوع تانى انا هشرحهولك فى اقرب وقت على المنتدى

السلام عليكم. انا مش عايزه برنامج لانى اصلا ماليش فى برامج الكمبيوتر اوى بس عندى طلب تانى لو ممكن بجانب انك تجيب برامج مطلوبة تشرح حاجه عن برمجه الكمبيوتر والبرامج بتاعته ..انا مش عارفه اعمل ايه علشان تبقى عندى معلومات وخلفيه كويسه عن عالم الكمبيوتر والبرمجه لو ممكن المساعده

انا مش فاهم قصدك ايه بالظبط يا د شهد
هل قصدك ازاى نعمل برامج يعنى عايزة برمجة دى طبعا حاجة احنا منعرفهاش كصيادلة
اما لو كان قصدك حاجة تانية ياريت تقوليلنا وان شاء الله أقدر أفيدك

لا سورى انا ماقصدش برمجة الكمبيوتر انا اقصد البرامج والتعامل معاها بيكون ازاى هو بصراحه انا مش عارفه ايه بالظبط اللى ممكن اتعلمه واعرفه عن الكمبيوتر انا اخدت قرص قبل كده بس للاسف ماحستش انى اخدت الفايده اللى كنت مستنياها يعنى لو ممكن تعمل حاجه زى قرص تشرح فيها كل حاجه من البداية وخطوة بخطوة.انا عارفة انى احتمال اكون مش قادره اوصلك اللى انا عيزاه لان الطبيعى ان الشخص اللى ميعرفش حاجه فى مجال معين ميقدرش يتكلم فيه

فعلا انا مش قادر أفهم انتى عايزة ايه بس واللهى عايز أساعدك

Admin عدد الرسائل : 112 تاريخ التسجيل : 13/02/2007

drshahd كتب:: [size=18]لا سورى انا ماقصدش برمجة الكمبيوتر انا اقصد البرامج والتعامل معاها بيكون ازاى هو بصراحه انا مش عارفه ايه بالظبط اللى ممكن اتعلمه واعرفه عن الكمبيوتر انا اخدت قرص قبل كده بس للاسف ماحستش انى اخدت الفايده اللى كنت مستنياها يعنى لو ممكن تعمل حاجه زى قرص تشرح فيها كل حاجه من البداية وخطوة بخطوة.انا عارفة انى احتمال اكون مش قادره اوصلك اللى انا عيزاه لان الطبيعى ان الشخص اللى ميعرفش حاجه فى مجال معين ميقدرش يتكلم فيه [/
size]

فى حاجات مهمة اوى ممكن تتعليميها فى الكومبيوتر
يعنى مثل شغل الفوتوشوب دة مهم جدا للمصورين وبرنامج سهل وطريقة التعامل معاة بسيطة

مثلا تتعلمى ازاى تشتغلى على برنامج الوررد للكتابة اهوة دة مهم جدا فى الطباعة وفى كتابة المذكرات
ممكن تتعلمى الانترنت ودة ممكن يفيدك فى عمل الابحاث على النت والدراسات
فى حاجات كتير فى الكومبيوتر

شكرا admin وشكرا يادكتور احمد وانا متاكده انك عايز تساعدنى بس المشكلة انى ماعرفش كتير عن الكمبيوتر وهو ده اللى مخلينى مش قدره أحدد انا عايزه ايه فيه بس ان شاء الله انا هحاول ولو احتجت اى حاجه اكيد هطلبها منكوا..

انا فاهم دكتورة شهد عايزة ايه
انتي قصدك عايزة مثلا تتعلمي تشتغلي على برنامج معين ؟
طيب دي محلولة اي حد بعد كدا ينزل برنامج في المنتدى طبعا يجيب الكراك اول حاجة تاني حاجة يشرح البرنامج بيشتغل ازاي
يعني من الاخر ميعملش زيي انا نزلت البالتوك 9 وانا شخصيا عايز اللي يفهمهولي لان انا مش فاهم فيه حاجة والكل عمال يقولي افتحه وانت هتفهم وانا فتحته مليون مرة وكل مرة مش فاهم حاجة
وبعدين كورسات البرامج دي يا دكتورة شهد احيانا بتفيد واحيانا بيبقى مالهاش لزمة يعني مثلا انا استفدت استفادة كبيرة من كورس كنت اخدته من كذا سنة في نقابة المهندسين طلعت منه بمعلومتين بس اول معلومة ازاي اعمل shutdown للجهاز تاني معلومة ان الميجابايت 1024 كيلوبايت وبس على كدا يعني اروح كورس شهرين ونص علشان الجملتين دول هو انا هاتنقط من شوية
تالت حاجة بنشكر دكتور احمد وبنقول له بما انك بقا بتاع البرامج اللي هنا انا عايز منك حاجة غريبة شوية عايز ( ويندور xp sp3 ) ههههههههههه على فكرة انا بهزر محدش بيحمل ويندور هنا

عندك واحد هاكر والنبى يا دكتر