| افلام ...واغاني .... ولكن ... | |
|
|
كاتب الموضوع | رسالة |
---|
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: افلام ...واغاني .... ولكن ... السبت سبتمبر 29, 2007 4:26 pm | |
| ظهرت في الاونة الاخيرة بعض الاغاني التي " من رأيي " مفيهاش حاجة حد يعجب بيها مثلا بدأت بـ " السح الدح امبو " واللي بيغنيها احمد عدوية وبعد كدا قريب جات اغنية " هابطل السجاير " للاستاذ الكبير شعبولا او بمعنى اصح كل اغاني شعبولا " ايييييييييييييييييه ايييييييييييييييه " واغاني كتير لناس كتير زي اللي عامل فيها بتاع انابيب " ريكو " واللي عامل فيها فكهاني " سعد الصغير " و بوسي سمير " حط النقط على الحروف قبل ما نطلع سوا عالروف " وامير يزبك اللي بيقول " شري بري بم " وحاجات كتير اوي تغيظ زي كدا .
ونفس الحال في بعض الافلام زي " بوحة" و " كتكوت " و " كركر" للفنان محمد سعد وفيلم زي " مجانين نص كوم " لريكو برضو وفيلم " حاحا وتفاحة " هو انا معاكم انه كوميدي بس انا بنتقد حاجات معينة في الفيلم زي ريكو . مش معنى كدا انا بنتقد مثلا واحد زي " محمد سعد " في كل افلامه بالعكس انا بحب له افلام زي فيلم " اللمبي " وفيلم " اللي بالي بالك " لان فيلم اللي بالي بالك فيه فكرة عجبتني اوي لما " هاني " راح للمبي في بيته بخصوص المسجون اللي اتبدل لما اللمبي قال له " انا ماليش دعوة انتوا ضباط في بعض وانا مش ضابط . " هاني رد عليه وقال " حتى لو مش ضابط الحكاية كلها عاوزة انسان . المسجون اللي هرب دة حط ايده في جيبي وجيبك وفي جيب كل واحد في البلد دة اتسجن علشان سرق "
فين الافلام اللي وراها حاجة هادفة ومش معنى كدا انها لازم تكون غم في غم بالعكس ... نرجع لأفلام زمان شوية مثلا زي فيلم "حلاق السيدات " بطولة " اسماعيل يس " و " عبدالسلام النابولسي " و " زينات صدقي " في مشهد لما زينات صدقي بتقول لعبدالسلام النابولسي " اسمع الكلام ومتبقاش حمار" يعني عوزاه يكدب على الست اللي خطفت جوزها ويعملوا عليها مقلب شوفوا بقا عبدالسلام النابولسي قلها ايه " يا هانم حمار عنده ضمير احسن من انسان معندوش ضمير " ...., دلوقتي فيه افلام فيها حاجة هادفة زي كدا ؟ يعني فيلم زي دة فيه حاجة هادفة ورغم كدا كوميدي موووت انا اتفرجت عليه كتير وبحب اتفرج عليه جدا لانه كوميدي طحن
وفي الواقع فيه حاجتين غايظينني اوي في الموضوع دة كله اول حاجة ان فيه بعض اللي بيقولوا عليهم مطربين مفيهمش حاجة عدلة مثلا " ريكو " صوته حلو ؟ حد الله تمثيله كويس ؟ حاشا لله شكله حلو او اسمه حتى مقبول ؟ معتقدش ومش ريكو بس فيه " سعد " و " شعبولا " اشكال كتير
تاني حاجة غيظاني في الحكاية دي ان انا شخصيا سمعت " ريكو " في لقاء في النشرة الفنية على روتاني سينما يقول : انا مش ظاهرة وهتعدي انا هاثبت نفسي كممثل ومطرب
انا عايزكم انتوا اللي تردوا عليه | |
|
| |
the dark blood شاب رافع راسنا
عدد الرسائل : 156 تاريخ التسجيل : 23/07/2007
| موضوع: رد: افلام ...واغاني .... ولكن ... الجمعة أكتوبر 05, 2007 4:34 pm | |
| متضايقشى نفسك أوى كده أعتبر التفهات ديه مش موجوده وحاول تبعد عنها ومتسمعلهاش خالص رغم أنك ماشاء الله حافظ كويس جدا وأنا عارفه أن ده حل سلبى جدا بس ما فى اليد حيله الناس ديه هتنيها موجوده لحد ما يجى أجلها فحاول أنت مع نفسك وكفايه أوى عليك أنك تمنع شرهم عنك . | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... الثلاثاء أكتوبر 16, 2007 10:42 am | |
| انا مبتفرجش على التفاهات دي الا بغرض التريقة فقط انا بحب الاغاني اللي تتوفر فيها حاجتين ( كلماتها الحلوة و عاطفتها الرومانسية مثلا ) ورغم كدا انا مش ضد الشعبي بالعكس فيه اغاني بحبها من كلماتها زي اغنية ( ماتفرحوش لسعد الصغير ) واغنية ( قلب وراح لعبدالله الصغير ) واغنية ( متشكرين لحسن الاسمر ) ولكن انا مبحبش التفاهات في الاغاني او الافلام او اي عمل فني انا بقول الكلام دة للناس اللي بتتفرج على الهبل دة اقول لهم يعني ايه اللي بيجذبكم للحاجات دي ؟ | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... الإثنين أكتوبر 29, 2007 5:21 pm | |
| هههههههههههه انا سمعت اغنية رومانسية اوي احب انكم تعرفوها بس معرفش لمين
نزل السبت طلع السبت واللي هاتعوزه كله تلاقيه جوة السبت ايه رايكم في الرومانسية ؟ انا بضحك من غيظي | |
|
| |
the dark blood شاب رافع راسنا
عدد الرسائل : 156 تاريخ التسجيل : 23/07/2007
| موضوع: رد: افلام ...واغاني .... ولكن ... الخميس نوفمبر 01, 2007 1:00 pm | |
| أيوه أنا شفت الأغنيه ديه وسمعتها كمان بس والله من غير قصد أصل أنا شوفتها فى المترو , شفت الشهره ياعم ويارتها عدله ديه متخلفه . | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... الخميس نوفمبر 01, 2007 1:03 pm | |
| تصدقي تنفع اغنية حلوة شفت الشهرة يا عم وياريتها عدلة ديه متخلفة ايييييييييييه اييييييييييييييه | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... السبت أبريل 05, 2008 7:14 am | |
| فيه اغاني رومانسية وحلوة اوي للاستاذ الكبير سعد الصغير بحبك يا حمار انا بزعل اوي لما حد يقلك يا حمار يا عم الحمير كلهم عليا الطرب عمهم
واغنية تانية لسعد الصغير برضو بس دويتو هو وأمينة هاركب الحنطور واتحنطر وهانركب بالدور كلنا عالحنطور
ايه رايكم في الرومانسية
ولا اللي جاي يقول
متبصليش وتشيطني الكسكسي بيوجع بطني
يعني انا عايز اقول بجد كفاية المهزلة دي يعني المطربين العظماء دول يرحمونا بقا الرحمة حلوة بجد كفاية سواء كان فلان ولا فلان من اللي انا قلت اساميهم في الموضوع او في الردود او اللي انتوا عارفينهم بجد مينفعش نستحمل اكتر من كدا دي بجد مهزلة كفاية علينا لغاية كدا | |
|
| |
beso شاب جامد
عدد الرسائل : 36 تاريخ التسجيل : 14/03/2008
| موضوع: رد: افلام ...واغاني .... ولكن ... السبت أبريل 05, 2008 7:25 am | |
| ................معلش يا سندباد استحمل شوية................. وبعدين يا عم محدش قالك تسمع الناس دي ......خليك في عبد الحليم ...ولا مش مكفيك | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... السبت أبريل 05, 2008 7:41 am | |
| انا مبتكلمش عن نفسي انا بتكلم عن الوجه العام للفن المصري خاصة والعربي عامة لما يكون الكل كدا تبقى مش حلوة تبقى حاجة زادت عن حدها وبعدين ثقافة البلد دي الفن هو من الحاجات بل الحاجة الاسايبة في تحديد ثقافة البلد ولما يكون الفن نزل بمستواه لغاية كدا يبقى البلد بدون ثقافة او هوية ودي تبقى مصيبة وياريت تقولوا رأيكم معايا وبلاش السلبية دي ولو مرة وحدة | |
|
| |
beso شاب جامد
عدد الرسائل : 36 تاريخ التسجيل : 14/03/2008
| موضوع: رد: افلام ...واغاني .... ولكن ... السبت أبريل 05, 2008 7:48 am | |
| متزعلش اوي كدة .....انا بضحك معاك.....كركركركركر **المفروض ان الرقابة تضع حد للمهازل اللي بتحصل اليومين دول في الفن من غناء وتمثيل وغيره.......... | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... السبت أبريل 05, 2008 7:55 am | |
| انا مش زعلان منك يا بيسو انا زعلان علشان المهازل دي كترت اوي مينفعش كدا | |
|
| |
shaima شاب جامد جدا
عدد الرسائل : 51 تاريخ التسجيل : 24/03/2008
| موضوع: رد: افلام ...واغاني .... ولكن ... السبت أبريل 05, 2008 11:41 am | |
| والله ياسندباد عندك حق في كل كلمة انت كتبتها فحال البلد دي اتدهور بسبب الاعلام الفاسد بالذات وخصوصا ان اسرع جاجة ممكن الفرد يستوعبها هي الافلام والاغاني فبعد الغلا اللي احنا فيه والمشاكل المتلتلة اللي عند اى واحد محدش بيفكر يتفرج على اي حاجة زي برنامج او نشرة تزود همه هم........ بس بيحب يتفرج على اي فيلم يمكن يفرحو شوية بس للاسف بيحزنوا اكتر بالتهريج اللي بيعلم الشباب الفساد والفشل والالفاظ السيئة فلازم نحط حل عشان نوقف المهذلة دي وانا من رايي لحل المشكلة دي اننا نخلي الافلام دى تخسر باننا مش ندخلها لما تنزل السينما فمرة فمرة اصحاب هذه الافلام هيحرموا ينزلوا منها تاني لانهم بينزلوا الحاجة عشان تكسب فلما يلاقوها بتخسر يسحبوها من السوق ويعدلوها لحد ما تكسب اما بالنسبة للاغاني فاحنا مش بنسمعها الا بالصدفة ؛بس مش تقلق شوية كده والمغنيين هيبطلو يغنوا من كثرة الهجوم عليهم وانا اسفة ان كنت طولت عليكم في الرد او لو اي حد مش عاجبه رايي | |
|
| |
sindbad شاب رافع راسنا
عدد الرسائل : 1356 تاريخ التسجيل : 14/02/2007
| موضوع: رد: افلام ...واغاني .... ولكن ... الثلاثاء أبريل 29, 2008 11:45 am | |
| اخيرا حد اقتنع بكلامي ؟ بجد انا فرحان بيكي يا شيماء انك فهمتيني وعرفتي انا عاوز اقول ايه طبعا الاغاني والافلام اللي فيها المهازل دي اللي صحابها ماشيين بنظرية (( عك وربك يفك )) لازم تتلغي خالص | |
|
| |
VERY SOON شاب صغنن
عدد الرسائل : 19 تاريخ التسجيل : 14/05/2008
| موضوع: رد: افلام ...واغاني .... ولكن ... الخميس مايو 15, 2008 1:22 pm | |
| معاك حق فعلا دة مش غناء دة استهبال اؤيدك بشدة | |
|
| |
| افلام ...واغاني .... ولكن ... | |
|