.::.SHaBaBNa FaMiLY.::.

منتدى كلية صيدلة الزقازيق
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 البنات والحب.............حبك عادي ولا مصالح

اذهب الى الأسفل 
كاتب الموضوعرسالة
BMW
شاب جامد جدا
شاب جامد جدا
avatar

عدد الرسائل : 93
العمر : 30
تاريخ التسجيل : 02/07/2009

مُساهمةموضوع: البنات والحب.............حبك عادي ولا مصالح   الخميس أغسطس 27, 2009 1:00 pm

البنات والحب
حبك عادى ولا مصالح

الحكايه ديه لسة مستمرة ولسة فيها تفاصيل كتيرة ياريت نقدر نوفيها حقها
تبدأ الحكاية من عند كلمة(عايزة احب زى كل البنات)وتخلص عند كلمة تانية قريبة(هوا ده الحب اللى بيقولوا عليه)

وكل بنت فى الدنيا وليها طريقتها فى الحب(ساعات تلاقيها دايبة وغرقانة) وساعات تلاقيها(ولا فى دماغها الحكاية)كلها مصلحة او تضييع وقت

ودلوقتى هاعرض معاكوا انواع البنات فى الحب واللى تلاقى نفسها فى الحب من الانواع اللى انا هاعرضها يا ريت تقول وبكل صراحة

يلا بينا بقى نبدأ الموضوع

النوع الاول

هو حب المصالح وده طبعا معروف يعنى باختصار الحب اللى اخره(بى أم)ومرسيدس وشوية الماظات وحاجات كده من بتاعة (على بابا)والمغارة الى مليانة دهب وياقوت.

النوع الثانى

هو حب الصداقة.. والمعروف فى اوساط الجامعة يعنى يفضلوا اصحاب وكلوا تمام ولما يجيي يقولها بحبك تقوله(خلينا اصحاب احسن)

النوع الثالث

هو حب الفضا.. والمعروف بتضييع الوقت والمثل المشهور فيه (لا بحبك ولا بقدر على بعدك) يعنى مش عارفة بتحبه ولا مش بتحبه؟؟ الحكاية كلها بتبقى مرتاحة وهى معاه وبتضحك وتخرج وتتفسح انما ساعة الجد بتخلع

النوع الرابع

هو حب المظاهر.. وده اللى بتلاقيه فى حياة بنت عايزة تحب وخلاص؛ اسمها بتحب والسلام؛ خارجة ورايحة وجاية ومفيش مانع من شوية هدايا وتليفونات بالليل انما فى الاخر مش مقررة هيا عايزة ايه بالظبط

_ عندنا كمان نوع منتشر جدا من الحب والمعروف بحب(التوريطة) يعنى من الاخر لقت نفسها متورطة فى علاقة اتطورت بعد شوية ووصلت لدرجة الحب ومش عارفة تخلع المرة دى

_ كمان فى حب احتياطى او بلغة انابيب البوتاجاز حب (استبن) يعنى ما حدش يضمن الدنيا هيحصل فيها ايه لازم يكون فيه واحد مستعد يتقدم وقت اللزوم ويحل المشاكل اللى ممكن تحصل لو اللى بتحبه خلع (ويفضل صاحبنا مستنى وهو وحظه)

_ وفيه برضو نوع موجود والناس بتعرفه بأسم (حب قلابى) وده اللى ممكن يحصل بسهولة فى اوقات الزهق والملل من الحياة يعنى (علاقة عابرة مرتبطة بحالة معينة تخلص الحالة يخلص الحب)

_ كمان فيه حب نص العمر وده يبقى (حب حقيقى) كله حنان وعشق واخلاص بس نهايته مش سعيدة تخلص بسبب الظروف الصعبة ويفضل فى القلب طول العمر

ودلوقتى نوصل لاخر نوع من انواع الحب

_ وهو حب (العمر كله) وده طبعا اهم حب فى الدنيا الحب اللى بيفضل ويدوم ويكبر ويستمر لحد اخر نفس فى الحياة .... بنات كتير نفسها فى الحب ده طبعا وممكن تكون كل الانواع اللى فاتت محاولة للوصول للنوع ده من الحب

بس فى ناس كتير اوى بتعيش وتموت من غير ما تلقى الحب ده

الى اللقاء... ويارب يعجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
small angle
شاب رافع راسنا
شاب رافع راسنا
avatar

عدد الرسائل : 848
تاريخ التسجيل : 09/04/2008

مُساهمةموضوع: رد: البنات والحب.............حبك عادي ولا مصالح   الجمعة أغسطس 28, 2009 4:32 pm

كلامك جميل ومقنع
وهي دي الحقيقة فعلا هي في الانواع دي كلها
وساعات بتبقى اسوأ من كدا كتير كمان
في حالة انك تلاقي نوعين مندمجين في شخصية واحدة
بس ارجع واقول الولد الذكي هو اللي نوع شخصية البنت اللي بيتكلم معاها
ويقدر يصدها ويفوقها من الوهم اللي هي عايشة فيه
خلينا واقعيين البنت مهما عملنا هتفضل طول عمرها البنت اللي بتحلم احلام شايفاها من وجهة نظرها عادية
بس للاسف مش عارفة ان طريقتها دي بتضايق اللي حواليها
ياريت باتمنى بجد ان البنات يعقلوا شوية والولاد كمان يعقلوا لان فيه اولاد بينتهزوا انواع بنات من دول

نزجع ونقول ان النوعين الاخرنين دول ساعات مبيبقاش موجود كتير
ربنا يهدي الشباب كلهم بنات واولاد
موضوعك جميل وهادف
نتمنى المزيد من مجهودك الرائع
تقبل مروري

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shbabna.niceboard.com
BMW
شاب جامد جدا
شاب جامد جدا
avatar

عدد الرسائل : 93
العمر : 30
تاريخ التسجيل : 02/07/2009

مُساهمةموضوع: رد: البنات والحب.............حبك عادي ولا مصالح   الجمعة أغسطس 28, 2009 4:56 pm

شكرا علي مرورك يا د/انجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البنات والحب.............حبك عادي ولا مصالح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.::.SHaBaBNa FaMiLY.::. :: المنتدى العام-
انتقل الى: