هل لديك الشجاعه على التصريح بأسوأ طبع فيك ( للصريحين فقط)

هل لديك الشجاعه على التصريح بأسوأ طبع فيك ..(للصريحين فقط)...
هل لديك الشجاعة والقدرة على التصريح بأسوأ طبع فيك؟

اذا كان الحديث عن اطباعنا الحلوة وصفاتنا الخيالية فحدث ولا حرج عن عيوبنا اللي محدش يعرفها غيرنا
بعضنا بطرق مباشرة جدا مثل...
انا طيب...انا حبيب...انا كريم....انا عمري ما جرحت انسان...انا موضوعي ....انا اراعي مشاعر الاخرين....


ولكــــــــــــــــــــن....!!!

من منا يستطيع ان يغربل صفاته واطباعه ليعرف اطباعه وصفاته الـ(مش حلوه فيه او بيعتبرها عيب فيه)


مين الي عنده الشجاعة يعترف بصراحة باكثر طبع فيه ....واللي يتمنى بنفسه يتخلص منه ؟؟
ودلوقتي كل عضو يقــــول الي عنده وياريت تكون بصراحه

انا اكتر حاجة فيا انى بخاف من الناس و بخاف من التعامل معاهم و نفسى اتخلص من الخوف ده و اتعامل مع الكل بحريتى

اولا احب اشكر ناني على الموضوع الجميل دة
ثانيا احب اقول لميران ان علشان تتخلصي من الصفة دي لازم تكوني واثقة من نفسك لان ثقتك بنفسك هاتولد ثقتك بالناس و دة هايقلل الخوف
تقبلوا تحياتي

انا اعتقد وانا اسف جدا يا نانى
ان الموضوع ده وجهه نظر يعنى

مش بالدرجه اللى انا ممكن اكتب فيها اى حاجه

فعلا لان العيوب ديه اسرار ربنا حطها فينا مينفعش نهائى نطلعها
لاى حد خاالص عمرنا سمعنا ان الرسول او احد الصحابه
كان بيقول انا عيبى كذا وكذا

مفتكرش والله


واللى ميرا بتقوله ده طبع مش عيب العيب ان واحد فينا بشوف
بعين واحده او اعرج ديه عيوب
يا رب تكونى فاهمانى والله

متخيلش ان انسان ممكن يقول او يحب يقول كده لان

من الاساس ديه مش صراحه

ومش هتفيد حد بحاجه

مداح نانى قصدها عيوب الشخصية مش العيوب الخلقية اللى اتولدنا بيها
و بعدين يا سندباد انا انسانه وثقة من نفسى جدا بس ليا شوية تجارب مع الناس و معا اصدقاء ليا خلتنى اخاف اتعامل معا الناس و اخاف منهم و حاولت انى اتخلص من الخوف ده كتير معرفتش

انا فعلا يا مداح مقصدتش العيوب الخلقية ، يعني انا مثلا فيا عيب اني متسرعة شوية ، واما بكون عصبية من حاجة معينة ممكن اعمل حاجات انا مش راضية عنها واندم عليها بعد كده ، يعني العيوب دي كل الناس بتكون شيفاها فيك وتبقولك عليها كمان فمبقتش سر يعني أنا قصدي انها بتكون حاجات ظاهرية كل الناس شيفاها وانت بتحاول تغير من نفسك وتتفادى العيوب دي ، فانا نشرت الموضوع ده عشان يكون في صراحة بالعيوب الي عندك وانت عاوز تتغلب عليها ، واحنا هناقش معاك العيوب دي وهنحاول نساعدك في حلها بس ادي كل الموضوع .

ازيك يا ميران ، على ما اعتقد ان الي عندك ده مش خوف خالص ده عدم تعود على الي قدامك وبالتالي مش هتعرفي تتكلمي معاه او تتفاهمي معاه براحتك ، يعني انا مثلا لما اكلم حد اول مرة ومعرفوش بكون مش على حريتي بس مش خوف من الي قدامي ، وانتي مثلا هل مع الناس الي متعودا عليهم بتخافي بردو تتكلمي معاهم ولا عادي وبراحتك ، ومن النهاية انا شايفة ان انتي طبيعية وان الموضوع ده عند ناس كتير وشكرا جدا على مساهمتك معايا وياريت تشوفولي حل ليا ولمشكلتي

طب انا مش عارف انا كتبت الرد اللى فات ده بالسرعه ديه ازاى

كان مثلا لو مش عجبنى مكنتش كتبت فيه من الاول


حلى المشكله ديه؟؟؟؟؟؟؟؟؟؟؟

موضوع تافه

تقدر تقول لنا يا عمرو الموضوع تافه ليه ، ممكن انت تكون شايفه تافه بس غيرك شايفة غير كده ، وفي النهاية دي وجهة نظرك بردو وانا بحترمها ، بس لو كنت انا رديت على موضوع من مواضيعك بطريقة مش كويسة فاعتقد ان انا اعتذرت وخلاص ، ومرسي جدا على ذوقك

ليه كده ياعمرو ، اعتقد في كذا اسلوب احسن من كده ممكن ترد بيه او تعبر بيه عن رأيك ، او لو هيضايق الناس ياريت متكتبوش اصلا