البنات حاطين مناخيرهم في كل حاجة

واحد كان سايق عربية ومسرع على الاخر ومعاه مراته قاعدة جنبه فجأة شاف في المراية عسكري المرور بيشاورله
.
.
.

وقف الراجل على جنب وسئل العسكري : ايه المشكلة ؟؟
العسكري : انت كنت ماشي على سرعة 180 كيلو في الساعة وهذا الطريق سرعته القصوى 60 كيلو في الساعة علشان كدا انا هاديلك مخالفة

الراجل : معلش انا كنت معدي ال 60 مش بكتير
الزوجة : لا انت كنت فاتح على 160 على الاقل .... بلاش كدب
نظر الراجل لمراته نظرة حقد
العسكري : وكمان النور الخلفي مكسور ؟؟ الله الله دي مخالفة تانية
الراجل : مكسووور ؟؟؟ انا لسة عارف منك دلوقتي انه مكسور
الزوجة : مبلاش كدب بقا انت عارف ان اللمبة مكسورة من اسبوعين
نظر الراجل لمراته نظرة حقد تاني
العسكري : وكمان مش رابط حزام الامان ؟؟ دا انا هاوريك ..... مخالفة تالتة
الراجل : انا فكيت الحزام لما وقفت العربية علشان انت شاورت ليا
الزوجة : حرام عليك دا انت عمرك ما ربطت الحزام خالص
التفت الراجل لمراته وزعق في وشها وقال : انتي مبتعرفيش تسكتي ابدا ؟؟؟
سئل العسكري الزوجة : هو ديما بيزعق كدا ؟؟
الزوجة : لا هو بيزعق لما بيكون سكران بس
الراجل : سكران ؟؟؟؟؟؟؟؟؟ لالالالالالالالا متصدقهاش
قالت الزوجة : احنا لقينا ازازة خمرة لما سرقنا العربية
العسكري : يعني العربية مسروقة ؟؟؟؟
الراجل : عليا الطلاق بالتلاتة لتسكتي
العسكري : هو جوزك كدة ديما يحلف بالطلاق ؟؟؟
قالت الست : مش لما يتجوزني الاول يبقى يحلف بالطلاق ؟؟؟؟


منقول بس عجبتني اوي وحبيت انكم تقرأوها هههههه ايه رايكم في الحشرية دي ؟؟؟

انا عايزة اقولك اللي فهمته من الموضوع ده ان الستات ميدخلوش سوري ميتحشروش في الامور بس علي فكرة بدون الستات كانت كل المواضيع مش هتخلص الستات هم اللي بيخلصوا كل المواضيع اما الرجالة................. بس علي فكرة موضوع لذيذ جدا

موضوع حلو كتير ومو كل الستات زي بعضها وانا اللي فهمتوة من الموضوع شكلها بدها تتخلص منو هو لو زوجها كانت خدت بالها منو وخافت علية وشكلها بدها تورطوة باي شكل بس موقفها بجد بيضحك كتييير

على فكرة اغلب البنات حقيقة حشريين _ سوري يعني ياريت محدش من البنات يزعل مني _ على فكرة ودي حاجة حلوة اوي مش وحشة بس تبقى وحشة وخنقة اوي لو زادت على حدها زي الست اللي في القصة
البنات او الستات عموما هم نص المجتمع وبيربوا النص الاخر يعني هما المجتمع كله ومحدش يقدر ينكر فضلهم
بس انا حبيت اعرض لكم القصة دي لان انا حسيت انها لذيذة اوي
والحمدلله انها عجبتكم

عموما هو لو فعلا مش جوزها وكلام السرقه والخمره ده صح يبقى يستاهل اللى هيعمله فيه العسكرى وبعدين كده كده هى شريكته فى الجريمه , أما لوكانت بتكذب تبقى مش حشريه ديه تبقى مجنونه وواجب عليه يطلقها بالتلاته, لأما هيبقى هو المسئول على اللى هيجراله

هههههههههههههه
تسلم ايدك سندباد

ههههههههه كتير حلوة بس مش الستات بس حشرين كمان الرجالة بدون زعل بس الموضوع كتير حلووووو

تسلمي يا حبيبة القلوب وتسلموا جميعا عالمشاركة والردود

هههههههههههههههههههههههههههههههههههههههههههههههههه
موضوع حلو

مش ملاحظين ان كل الردود والتعليقات هي من البنات ؟؟
وكل البنات اللي كتبوا التعليقات اعترفوا ان الموضوع حلو
لانهم بنات وادرى بأن البنات فعلا حاطين مناخيرهم في كل حاجة

يا عم شكلك شايل منهم بس انا عمر ما حد عمل معايا كده هههههه
بس والله حلو تسلم ايدك.........

لا انا مش شايل من حد
والحمدلله محدش عمل معايا كدا لسة
بس دة اللي ملاحظه

ربنا يستر على كل حال

مشكور يا سندباد

موضوع يجنن
و جمييييييييل قوي بس عادى هما مش حشريين اوى

لا اللي يقرأ الموضوع دة هايقول انهم حشريين اوىىىىىىىىىىىى وفعلا حاطين مناخيرهم في كل حاجة
ولا ايه يا رجالة ؟؟؟؟؟؟؟؟؟؟؟؟
ههههههههههههههههه
انا عارف ان بعد الموضوع دة البنات هايبقوا كارهينني لله في لله وخصوصا لووووول انا عارف انها كرهت الموضوع دة وكرهتني شخصيا
بس على فكرة انا بهزر
دعابة يعني
مفيش بنت تزعل
وكمان بكرر اعتذاري للبنات وخصوصا للوووووول

الموضوع جميل جدا ياسندباد ولذيذ بس مش كل البنات حشريه واعتقد لما الست تحشر نفسها في حياه جوزها فده من حقها طبعا لكن اللي انت حكيت عليها دي مش مراته وبجد دي اكيد رزاله منها انها تتدخل نفسها في اللي مالهاش فيه

ههههههههههه
فعلا والله معاك حق ولازم يفتكروا
من تدخل في ما لا يعنية سمع ما لا يرضية
شكرا

يسلموا على التعليقات الجميلة

الموضوع جميل
بس خلي بالك الطبخ مبيحلاش من غير البهارات احنا عاملين زيها اذا مدخلناش في حاجة ميكنش ليها طعم(بس مش في موضوع زي اللي انت كاتبه دا)

طبعا يا لوووووول هههههههههههههه
تسلمي على الرد الجميل

في ايه يا سندباد هو انت ليه حاططنا في دماغك هو احنا عملنالك ايه وعلى فكرة مش كل حاجة البنات البنات مانتو كمان بتغلطو ، في فئة كده من الناس مش طايقنا معرفش ليه ربنا يسامحهم بس، اتمنى انك تغير فكرتك في البنات سلاااااااااااام

لا والله انا مش في دماغي فكرة معينة عن البنات ولا حاجة دي بس مجرد قصة ظريفة قرأتها وحبيت انزلها في المنتدى
على العموم تسلمي يا ناني

يربنا يخليك ، كلك ذوق