موضوع: مذاكرات شابة .عجوزة شوية!!!!!!!!! الأربعاء يونيو 04, 2008 2:39 am
كان زمن جميل ولا احنا اللى مكناش شايلين الهم كانت كل حاجة احلى ولا مشاعرنا هى اللى كانت رايقة كانت ايام حلوة ولا وقتها ما كناش حاسين بيها ودلوقتى عرفنا قيمتها
زماااااااااااان يجى من 20 سنة كده
انا كنت بحب اسمع اغانى ومش اى اغانى كنت بحب اسمع ام كلثوم وعبد الوهاب وفايزة احمد وعبد الحليم ونجاة وشادية بأختصار كنت بحب اسمع محطة الاذاعة بتاعت ام كلثوم كانت الاذاعة بتبدأ الساعة 5وتخلص الساعة 10 اد ايه كنت مرتبطة بالراديو وبالاذاعة دى فى فترة من فترات حياتى كنت بحب فى الصيف اجيب الراديو فى البلكونة واقعد اسمع المحطة دى
وانا بتفرج على الشارع والناس اللى رايحة واللى جاية
او ابص للسما الواسعة وافكر فى لاشئ لاشئ واستنى منظر الغروب كل يوم واشوفه من بلكونة بيتنا
فعلا كنت مش شايلة هم للايام كنت عايشة بس اللحظة الهوا والسما الواسعة والاحلام الجميلة البريئة والضحكة الصافية اللى من القلب
كل اغنية من الاغانى اللى كنت بسمعها بتفكرنى دلوقتى وبمجرد سماع اى نغمة منها بأيام وذكريات جميلة
بتفكرنى بقعدتى فى بلكونة بيتنا القديم هناك زمان وانا لسه عندى 15 سنة كنت واحدة تانية
ما كنتش شايلة هم للدنيا لحد دلوقتى لما بسمع الاغانى دى بترتبط فى بالى على طول بالمكان والزمان
ااااااااااااااااااااه يا ريت المكان يرجع تانى بس الزماااااااااان صعب
ياااااااااااااااااه زمن كان جميل بدون هموم ولا مشاغل
الشموع السوداء شاب رافع راسنا
عدد الرسائل : 365 تاريخ التسجيل : 27/04/2008
موضوع: رد: مذاكرات شابة .عجوزة شوية!!!!!!!!! الأربعاء يونيو 04, 2008 2:42 am
