شارك معنا فى انشطة اسرة شبابنا!!!!!!!!!!!!!!!!!!!!!!!!!!!

عندك اى موهبه فى اى مجال؟
ذهقان من الاجازه وعاوز تعمل حاجه مفيده؟
نفسك تشوف أسرة شبابنا بشكل مختلف؟
عندك أحلام عاوز تحققها؟
يلا بسرعه وشارك فى أسرة شبابنا وضع معنا خطة عمل العام القادم
باختصار شديد يا جماعه اى حد عاوز يشترك معانا فى نشاط السنه اللى جايه او اى حد عنده اقتراح عاوز يقدمه او موهبه عاوز ينميها يقولنا بسرعه واحنا ان شاء الله نحاول ننفذها
واحنا الدلوقتى بنعمل خطة عمل للسنه القادمه اى حد شايف نفسه ممكن يفيدنا ياريت يدخل ويقول

ايه ده خيانه ابتديتوا شغل من ورانا
وكمان حطيتوا خطه ماشى
_________________
just try to dream

انا كنت سمعت ان حد كان اقترح اننا نعمل معرض ادوات ف اول الدراسه
انا عندي اللي ينفذ الفكره
وهيجيب كل اللي احنا عايزينه لحد عندنا فياريت تهتمو بالموضوع وبجد هيبقي مكسب حلو قوي لاسرتنا هيساعدنا ف الشغل بعد كده فلو وافقتو علي الموضوع ياريت تقولو

انا موافقه ومستعده للمشاركه
_________________
just try to dream

[color=yellow]حلوة الفكرة ديه ,وإن نشاء الله تنفذوها وتنجحوا.[/color]
_كان نفسى الأسرة تقرب من الطلبة يعنى مثلا تدخلوا المدرجات وتتكلموا معاهم سواء عن المناهج أو غيره ,خصوصا اولى وتانية حديث,,,,,,,,,وياريت لو تعملوا صندوق للمشاكل ,مشكلة مادية مثلا أومشكلة مع دكتور أو حتى فى المذاكرة مع الاحتفاظ بالسرية, وممكن أى شخص يكلم الاعضاء...براحته يعنى.وإن شاء الله ربنا يقدركم على الحل.
_وإيه رأيكم لو عملتم زى نشرة اسبوعية ,يعنى تعملوا تصميم ثابت بس كل اسبوع تغيروا الورقة وتكتبوا أهم الاخبار الأسبوعية على مستوى العالم والجامعة, ديه لأن المغتربين سواء فى دار أو مدينة مبيبقوش فى الصورة يعنى.

فى البداية يا جماعه أنا سعيد جدا بمشاركتكم معانا وأفكاركم
وبخصوص معرض الأدوات فده ان شاء الله فكرنا فيه وهنعمله
وبخصوص التفاعل مع الطلبه احنا كنا من اكثر الاسر اللى بتتفاعل مع الطلبه وان شاء الله السنه القادمه انتظروا مننا مفاجآت كبيره
وبخصوص الصندوق هوه فى فعلا صندوق للمقترحات موجود تقريبا فى 3 مدرجات
وموضوع النشره ده موضوع مهم جدا وفعلا عاوزين نتكلم فيه بصراحه
احنا محتاجين ناس رجاله تمسك الموضوع ده ازاى؟
ان شاء الله عاوزين نعمل مجله كل اسبوع بتتوزع يعنى تقريبا من 4 الى 5 ورقات ودى مهمه جدا لتمويل الاسره علشان هيكون فيها دعايه
كمان هنعمل كل اسبوعين مجلة حائط ويا جماعه اى حد بجد ولو حتى من الدلوقتى يقدر يساعدنا فى الموضوع ده يدخل ويقول ضرووووووووووووووووورى وشكرا مره تانيه على المشاركه

ربنا يوفقكوا ان شاء الله وانا كنت عايزه اشترك معاكوا فى الاسرةواعرف ايه النظام فيها يعنى

افكار حلوة ي جماعه عاوزين نظهر اسم الاسرة من اول يوم
ونعمل حاجه زى حفله للطلبه الجدد ونحاول نعرفهم نظام الكليه وكده
ونعرض عليهم نشاطات الاسرة
وانا معاكم فى اى حاجه
_________________
just try to dream

اولا بخصوص المعرض احنا اتفقنا مع واحد
ثانيا بخصوص فكرة الحفله دى جميله جدا بس عندك تفاصيل ليها او صوره عنها
ثالثا ياجماعه بخصوص المجله ضروورى جدا عاوزين تصميمات قبل الدراسه علشان منطيعش وقت

الحفله هتكون عبارة عن ترحيب بالطلبه الجدد
واحنا هنروحلهم المدرج اول يومين
نعرفهم بالاسرة وباعضائها ونعمل استمارات عضويه
من اول يوم
عشان نقدر نجمع اكبر عدد من الطلبه
ونعمل حاجه كده زى اجتماع نكلمهم فيه عن المناهج وازاى ينظموا وقتهم عشان ما يتصدموش بالواقع اللى احنا اتصدمنا بيه
وكده يعنى واى حد عنده افكار يقولها اوكى

_________________
just try to dream

فكره جميله جدا وان شاء الله نعملها
بس ياريت يا جماعه موضوع المجلات اللى اتكلمت فيه محدش بيرد ليه احنا بس عاوزين تصميمات مواضيع حد يكتبها على الكومبيوتر كده يعنى الموضوع مش صعب

ممكن يا جماعة اشارك معاكم لحسن دى اخر سنة ليا فى الجامعة وحاسة انى معملتش حاجة مفيدة فى اى نشاط فيا ريت لو تخلونى اشارك معاكم

اهلا بيكى يدكتورة سمسمة معانا وانتى فعلا واحدة مننا

اي حد عاوز يشارك معانا يشترك ويشارك من غير ما يستئذن دي زي ما اسرتنا اسرته هو كمان يعني دي مش اسرتنا احنا بس واحنا بنرحب بأي حد عاوز يشترك وعاوز يعمل حاجة
_________________
اذا اردت شيئا بشدة فأطلق سراحه فإن عاد لك فهو ملك لك الى الابد و إن لم يعد فهو ليس لك من البداية